Ben M. Jannif

Wikipedia se
Jump to navigation Jump to search
Ben M. Jannif
Ben M. Jannif
Ben M. Jannif
Janam 1907
Suva, Fiji
Maut 1985
Nationality Fiji Citizen
Jaati Hindustani
Citizen Fiji Citizen
Kaam Businessman
Home town Suva, Fiji
Kaahe jaana jaae hae Fiji ke Legislative COuncil ke ek member
Fiji Football Association ke administrator
Dharam Muslim
Awards M.B.E.

Ben M. Jannif, M.B.E. (1907 - 1985), Fiji Indian Football Association ke suruu kare waala ek jan rahaa. Uu 60 saal talak Fiji Soccer ke aapan yogdaan diis rahaa, jaada kar ke administration me. Uske haanth ii Association ke ek jaat ke uppar based, Fiji Indian Football Association ke badal ke Fiji Football Association kare me rahaa. Uu ek successful businessman rahaa, aur samaj sewa aur national aur local government politics me bhi rahaa.

jawani ke din[badlo | source ke badlo]

Jannif ke janam Suva me bhais rahaa aur uske parrhai Levuka me bhais rahaa. Uu chhote pe Fiji Scouts Association me bharti bhais aur Assistant Colony Commissioner talak promote hoe gais rahaa. Uu Fiji ke pahila Hindustani rahaa jiske King's Scout Badge dewa gais rahaa. Uu New Zealand aur Australia me jamboree me hissa liis aur uske Silver Acorn bhi dewa gais rahaa, uske Scouts movement me yogdaan ke khatir.

Uu Indian Reform League ke ek member bhi rahaa aur uske Board of Directors me bhi rahaa.

Football me yogdaan[badlo | source ke badlo]

1928 se 1938 talak, Jannif, Indian Reform League football team ke coach rahaa. Uu ek referee bhi rahaa aur uske Suva Soccer Association, Rewa Soccer Asssociation aur Levuka Soccer Association ke suruu kare me bhi uske haanth rahaa. 8 October 1938 ke uske Fiji Indian Football Association ke Secretary banawa gais rahaa aur uu 1944 talak treasurer bhi rahaa. Uske haanth Association ke pahila constitution, jiske 1939 me adopt karaa gais rahaa, bhi rahaa. Uske CSR Rarawai grounds in Ba me 1947 ke Inter District Soccer Competition (IDC) me gate fees charge kare khatir bhi jaana jaawe hae. August 1958 me Association ke 21st Anniversary celebration ke bhi uu chaer karis rahaa. Uske [[Fiji Football Association aur Fiji me football ke yogdaan ke khatir Soccer ke Hall of Fame me karaa gais rahaa.[1]

Samaj Sewa[badlo | source ke badlo]

1949 me, Jannif Suva ke Rotary Club join kare waala pahila local member me se ek rahaa aur uske pahila Hindustani president bhi rahaa. Uu Pahila Hindustani rahaa jon ki Royal Society for Prevention of Cruelty to Animals in Fiji ke Vice President banaa rahaa. Uu Automobile Association of Fiji ke member bhi rahaa. Uske Indian High School, Suva ke banae me bhi yogdaan rahaa aur uu school committee member ke member bhi rahaa. Uu Fiji Military Forces me bharti hoe ke Indian Platoon me rahaa jab talak ki uske 1940 me disband nai karaa gais.[2]

Politics me[badlo | source ke badlo]

Jannif, Legislative Council ke nominated member 1950 se 1953 talak rahaa. 1958 me uu Suva City Council ke Indian elected member ke khatir election me kharraa bhaes rahaa lekin khaali thorra vote se haar gais rahaa.

Uske yaad me[badlo | source ke badlo]

Uu Caines Studios, Suva ke sole owner rahaa jiske branch Fiji bhar me rahaa aur jon ki Caines Jannif Limited ke naam se baad me jaana jaawat rahaa.

References[badlo | source ke badlo]

  1. "Fiji Soccer Hall of Fame". http://www.fijilive.com/soccer/show/home/halloffame.shtml. Retrieved 2007-09-26.
  2. "Candidate Profile - B. M. Jannif", Fiji Times, 25 October 1958. Retrieved on 26 September 2007.


Fiji ke Politician (1929-1972)

Leader − Politician (1929-1971) − Politician (1972-1987) − Politician (1992-1998) − Politician (1999-2006) − Politician (2014- ) − Political Activist − Khel kuud − Government Service − Social Service − Education − Dharam − Businessman − Unionist − Writer

Vishnu Deo −  Parmanand Singh −  James Ramchandar Rao −  C. M. Gopalan −  K. B. Singh −  Muniswamy Mudaliar −  Chattur Singh −  J. B. Tularam −  Said Hasan −  B. D. Lakshman −  A. D. Patel −  James Madhavan −  B. M. Gyaneshwar −  Ami Chandra −  M. S. Buksh −  Tulsi Ram Sharma −  Ben M. Jannif −  Sadanand Maharaj −  A. R. Sahu Khan −  A. Samad −  Ayodhya Prasad −  K. S. Reddy −  Andrew Deoki −  A. R. Manu −  Vijay Singh (Sir) −  Sathi Narain −  A. H. Sahu Khan −  S. M. Koya −  C. P. Singh −  M. T. Khan (Politician) −  Abdul Lateef −  James Shankar Singh −  Irene Jai Narayan −  R. D. Patel −  K. C. Ramrakha −  C. A. Shah −  Ram Jati Singh −  C. S. Pillay −  Ujagar Singh