Siddiq Moidin Koya

Wikipedia se
(S. M. Koya se bheja gais)
Siddiq Moidin Koya
S. M. Koya
S. M. Koya
Janam1923
Ba,Fiji
Maut1993
Lautoka, Fiji
CitizenshipFiji citizen
JaatiHindustani
CitizenFiji citizen
ParrhaiL.L.B.
Parrhai ke jaghaUniversity of Tasmania
KaamLawyer, Kisan, Union ke neta
Kaam ke saal1959 - 1987
Home townBa, Fiji
Jaana jaawe haeUnion ke leader
Legislative Council ke member, 1963 - 1972<br.< House of Representatives ke member
1972 - 1977, 1982 -1987
PadwiLeader of Opposition, Fiji
Term1969 - 1977, 1984 - 1987
PartyNational Federation Party
DharamMuslim

Siddiq Moidin Koya (1923 - 1993), Fiji ke ek neta rahaa. Koya, Fiji ke pahila political party, National Federation Party (NFP) ke suruu kare waala sadasya me se ek rahaa aur 1969 me, A. D. Patel ke maut ke baad, uu NFP ke leader aur Fiji ke Legisaltive Council me Leader of Opposition banaa. Uu NFP ke common roll ke maang ke chhorr ke Alliance Party ke neta Ratu Mara se samjhauta kar ke, 1970 me Fiji ke ajaadi dewais. Uske, Ratu Mara se dosti aur 1972 ke election me NFP ke kharaab natija se bahut log khusi nai rahin aur 1977 me Agricultural Landlord and Tenants Ordinance ke bahas ke time uske party vibhajit hoe gais aur September 1977 ke election me uu aapan seat ke bhi haar gais. 1982 me uu, NFP ke nawaa neta, Jai Ram Reddy se samjhauta kar ke Parliament me fir se chuna gais. 1984 me Reddy ke istefaa de ke kaaran uu fir se neta banaa, lekin 1977 ke rakam NFP fir se vibhajit hoe lagaa aur uu 1987 me uu istefaa de diis.

Jawani ke din[badlo | source ke badlo]

Koya ke janam 1923 me Vatulaulau, Ba me, ek Malayam Muslim palwaar me bhais rahaa. Koya, S. B. Patel ke wakiil ke office, jon ki Lautoka me rahaa, me kaam suruu karis rahaa. Uske baad uu Tasmania, Australia jaae ke University of Tasmania se wakiil ke degree haasil karis.

Kisan Sangh ke member[badlo | source ke badlo]

1956 me Koya, N.S. Charmers ke saathe wakiil ke kaam suruu karis. Chalmers, Kisan Sangh ke legal advisor rahaa aur iske kaaran Koya, Kisan Sangh ke nachdik aais. 10 February 1957 ke uske Sangh ke Vice President chuna gais aur 1958 me uu fir se ii post pe chuna gais. Koya aur Sangh ke General Secretary, Ayodhya Prasad ke biich me madhbedh ke kaaran, Koya Sangh ke nikal gais aur ii duuno log jindagi bhar ek duusre ke political dusman rahin.

Majhab ke kaam[badlo | source ke badlo]

Koya aapan majhab ke khatir bhi yogdaan diis rahaa. Uu Then India Maunatul Islam Association of Fiji, jon ki Fiji me South Indian Muslim ke represent kare hae, ke President aur rahaa.

Federation of Cane Growers[badlo | source ke badlo]

Koya, 1959 me Federation of Cane Growers ke suruu kare me main admii rahaa, jab kisan log Colonial Sugar Refining Company se nawaa cane contract par baat karat rahin. Koya, A. D. Patel se saathe kaam karis aur uu saal ke ganna ke kisan ke harrtaal ke kaaran famous hoe gais. Uu duusra strike me bhi union ke taraf se larris.

Legislative Council[badlo | source ke badlo]

1963 me Fiji ke Legislative Council ke election me Koya Citizens Federation ke taraf se Ba-Tavua-Rakiki ilaka se James Shankar Singh ke virod me kharraa bhae aur uske 3998 votes to 3480 se harae ke pahila Muslim Legislative Council me chuna gais. Koya, Federation Party ke constitution likhis,jon ki 21 June 1964 suruu bhaes, aur Fiji ke pahila political party rahaa. Koya1966 ke general election aur 1968 ke by-election ekdam sahaj se jeet liis.

Party ke neta au ajaadi[badlo | source ke badlo]

1969 me, A. D. Patel ke maut ke baad, Koya ke National Federation Party ke neta chuna gais. Is ke baad uu Alliance Party ke leader,Ratu Mara, ke sanghe mil ke Fiji ke aajadi khatir kaam karis. 1970 me aajadi ke baad uu leader of the Opposition banaa.

National Federation Party me vibhajan[badlo | source ke badlo]

Fiji ke independence ke baad, House of Representatives ke pahila election 1972 me bhaes, jisme NFP 52 me se khaali 19 seat jiitis. Koya ke virood me aur logan bolin lekin jab 1976 me Agricultural Landlord and Tenants Ordinance (ALTO) ke baare me bahas suruu bhaes tab NFp dui gut me vibhajit hoe gais. Jai Ram Reddy ke madat se Party unite hoe ke 1977 ke pahila elction larris aur jiit gais. Governor General , lekin Koya ke Prime Minister nai banais, ii bol ke ki uske paas jaada support nai hae. September 1977 me , jab ek nawaa election balawa gais tab NFP dui gut me fir se dividie hoe gais. Ii election me Alliance 37 seat jiitis, NFP ke Flower Faction, jiske leader Jai Ram Reddy banaa, 12 seat aur NFP ke Dove Faction , jiske ke leader Koya rahaa, 3 seat jiitis. Koya aapan seat Jai Ram Reddy se haar gais.

NFP ke leader fir se banaa[badlo | source ke badlo]

NFP, 1982 ke election khatir fir se ek hoe gais rahaa aur Koya ii election me fir se House of Representatives me chuna gais. 1984 me, jab NFP ke leader, Jai Ram Reddy, resign kar diis , tab Koya ke fir se leader banawa gais. Uske ii term me bhi bawal kamti nai rahaa aur jab 1985 me NFP ek by-election haar gais tab uske virod me aur lag hoe gain. Fiji Labour Party ke taraf support jaae ke kaaran, NFP aur kamjor hoe gais aiur Koya NFP ke leader ke position se resign kar diis.

References[badlo | source ke badlo]



Fiji ke Hindustani

Leader − Politician (1929-1971) − Politician (1972-1987) − Politician (1992-1998) − Politician (1999-2006) − Politician (2014- ) − Political Activist − Khel kuud − Government Service − Social Service − Education − Dharam − Businessman − Unionist − Writer

Totaram Sanadhya −  Manilal Doctor −  Vashist Muni −  Badri Maharaj −  Vishnu Deo −  Ami Chandra −  A. D. Patel −  Ayodhya Prasad −  Muhammed Twahir Khan −  Sadhu Kuppuswami −  Swami Rudrananda −  B. D. Lakshman −  M. N. Naidu −  S. M. Koya −  Vijay R. Singh −  Jai Ram Reddy −  Harish Sharma −  Mahendra Chaudhry −  M.S. Sahu Khan −  Aiyaz Sayed-Khaiyum