Kishore Nand Govind

Wikipedia se
(K. N. Govind se bheja gais)
Hian jaao: navigation, khojo
Fiji ke Hindustani

Leader

Politician
(1929-1971)

Politician
(1972-1987)

Politician
(1992-1998)

Politician
(1999-2006)

Political Activist

Khilaarri
Kishore Nand Govind
K. N. Govind
K. N. Govind
Janam Nausori, Fiji
Ghar ke jagah Sydney, Australia
Nationality Fiji Citizen
Jaati Hindustani
Citizen Fiji Citizen
Parrhai L.L.B
Parrhai ke jagha Victoria, University, Wellington, New Zealand
Kaam Wakiil, judge
Kaahe jaana jaae hae Ba Township Board ke member: 1963-1968
Ba Township Board ke Chairman: 1969-1972
Ba Town Council ke Mayor: 1972-1974, 1977-1979, 1984
Fiji ke House of Representatives ke member:1972-1977
Judge: 1984-1987, 2001-2007
Party Alliance Party
Dharam Hindu
Awards Justice of Peace
Order of British Empire

Kishore Nand Govind, O.B.E., J.P. , Fiji ke ek politician rahaa, jon ki abhi High Court of Fiji ke ek judge hae. Govind apan potitician ke kaam me kabhi kuch bole ke darat nahi raha. Politics se retire hoy ke baad, uske Fiji Supreme Court ke judge banaae dewa gais rahaa aur ii time Govind pura impartial rahaa. Fiji ke 1987 ke duno coup ke biich me uu court ke ajaadi rakhisis. 1987 me, Govind ke jabarjasti Fiji se bhage ke pada. 2001 me, uu Fiji laut aais aur uske fir se judge baaay dewa gais.

Jawani ke din[badlo | source ke badlo]

Govind ke janam Kuku, Nausori, Fiji me bhais rahaa. Uu aapan primary school ke parrhai Kuku Indian School me karis aur secondary ke parrhai khatir Lelean Memorial School gais, jahaan par uu pahila Hindustani students me se ek rahaa. Iske baad uu Victoria University, Wellington, New Zealand me jaae ke wakiili parrhis.[1]

Palwaar[badlo | source ke badlo]

Uske saadi Angeline ke sathe bhais rahaa, jon ki 1990 me gujar gais. Uske paas charr larrkan hae. Uske paas tiin bhaiya aur dui bahini rahin. Uske pitaji, Satya Nand Govind, ek school teacher rahaa, jon ki apne se parr ke wakiil ban gais rahaa aur Ba me jaae ke aapan ek wakiil ke office khoolis.

Politician[badlo | source ke badlo]

Wakiil ban ke Fiji laute ke baad, Govind thorra din talak Ba ke ek High School me parrhae ke baad, aapan wakiili Ba me, Govind & Company ke naam ke niche, suruu karis. 1968 me, jab by-elections karaa gais uu vacancy fill kare ke khatir jon ki Fiji ke Legislative Council ke National Federation Party (NFP)ke member ke boycott kare se bhais rahaa, tab Govind, Alliance Party ke taraf se, Ba Indian Communal Seat me R. D. Patel (A. D. Patel ke bhaiya) ke against me kharra bhais. Jab ki uu aur jaada vote se haris (pichla dui election ke compare karo tab), ii election uske Ba me famous kar diis aur 1969 me uske Ba ke mayor banawa gais, jon position pe uu 12 saal talak rahaa.

1972 ke general election me, uu fir se Alliance Party se taraf se House of Representatives ke North Central Indian National Seat (jon ki Ba district me hae) ke asaani se jiit liis jai ki iske NFP khatir safe seat maana jaat rahaa. Govind, House of Representatives ke phila member rahaa jon ki Parliament me Hindi me bhasan diis. (Uu time koi translate kare waala nai rahaa, aur Govind apne se English me bhi translate karis.). 1975 me, jab Fijian Nationalist Party ke leader, Sakeasi Butadroka, ek motion rakhis ki Hindustani logan ke Fiji se nikal dewa jaae tab Govind uske second karis jisse ki motion pe debate hoe aur baad me motion ke amend kar ke Hindustani log ke yogdaan ke recognise karaa gais.[2]

1977 ke election me uu aapan set har gais aur politics se resign kar diis.

Fiji ke Supreme Court ke judge[badlo | source ke badlo]

1980s me Govind ke Fiji ke Supreme Court ke judge banae dewa gais rahaa. Uske judgement dekhais ki uu duuno defendant aur victim ke social aur cultural background ke baare me samjhat rahaa. May 1987 ke coup ke baad uu Court ke ajaadi rakhis aur aapan judgement me military Government ke criticise karis aur iske kaaran se September 1987 me aur outspoken judge log ke saathe uske jail me kar dewa gais jahaan pe uu paanch din talak rahaa.[3]

Political prosecution se bache ke khatir, Govind fir Australia chal diis. Uu Sydney me wakiili karis aur baad me New South Wales Office ke Director of Public Prosecutions me join bhais. Uske promote kar ke crown prosecutor bhi banawa gais rahaa. Jab Fiji me nawaa constitution banae dewa gais tab uu, 31 January 2001 ke, resign kar ke Fiji laut gais.[4] and returned to Fiji.

Govind ke Republic of Fiji ke High Court ke judge banawa gais. Uu aapan rulings me liberal tendencies dekhat rahaa aur ii biswas karat rahaa ki jab koi defendant guilty plead kar de tab uske kamti sajaa mile ke chaahi.[5][6]

Soccer me yogdaan[badlo | source ke badlo]

file:GovindPark.jpg
Ba ke Govind Park

Govind, Ba football team ke ek kattar supporter rahaa. Uu Ba Football Association ke executive me bhi rahaa. Uu aapan Ba Town Council ke mayor ke time Ba khatir soccer ground ke develop karis rahaa aur iske khatir Ba football team ke home ground uske naame dewa gais hae. (Govind Park)

References[badlo | source ke badlo]

  1. Profile: Justice Kishor Govind
  2. Scarr, Deryck (1984). Fiji: A short history. Sydney, Australia: George Allen & Unwin, pp. 171-172. ISBN 0-86861-311-8.
  3. Robertson, Robert; Akosita Tamanisau (1988). Fiji: Shattered coups. Sydney, Australia: Pluto Press Australia Limited, p. 142. ISBN 0-94913-825-8
  4. Annual Report of the Office of the Director of Public Prosecutions, NSW 2000 - 2001
  5. Fiji high court judge defends discounting in sentencing
  6. Judge criticises drug rulings