Davendra Singh
| Davendra Singh | |
|---|---|
| Citizenship | Fiji Citizen |
| Jaati | Hindustani |
| Citizen | Fiji Citizen |
| Kaam | businessman |
| Jaana jaawe hae | Politician, businessman |
| Dharam | Hindu (Arya Samaj) |
Davendra Singh (janam: 1950), Fiji ke ek Hindustani chhota businessman aur politician rahaa, jon ii kaaran se famous bhais ki uu Lautoka Indian Communal Constituency ke khatir, March 1985 ke by-election me official National Federation Party (NFP) ke candidate ke harae diis.
Lautoka Indian Communal Constituency uu tie khaali bhais jab April 1984 me NFP ke neta, Jai Ram Reddy, resign kar diis. Jab NFP ke nawaa neta, S. M. Koya, aapan ek supporter Ba ke, Dr Balwant Singh Rakkha ke ii seat ke by0election ke khatir nominate karis, tab Davendra Singh, jiske bahut kamti logan jaanat rahin, mauka dhek ke NFP Youth Wing, ke support le ke Rakkha ke virod me kharraa hoe gais. Singh ke khaas campaign platfoem ii rahaa ki Lautoka me huan ke ek local admii ke kharraa hoe ke chaahi. Uske purana Flower faction support karis aur Singh ii bhi batais ke Reddy uske support kare hae, lekin Reddy khule se campaign me hissa nai liis. Campaign ke time, Koya ii batais ki agar Rakkha nai jiiti tab uu leader ke position se resign hoe jaae. Election ke natija Singh ke khatir kuch vote se jiit rahaa. Singh ke 2209 vote mila aur Rakkha ke 2196, jiske matlab ii rahaa ki 12,260 register bhae voters me se khaali 4,421 vote karin rahaa. Koya vote counting ke supreme court me challenge karis lekin Court result ke confirm kar diis. Koya ii time nai resign karis. Election ke baad, Singh Lautoka ke Gujarati Samaj ke uske upport ke khatir dhanyawaad diis.
Election ke baad Koya ke virod me, NFp ke bhittar awaaj aur barrhaa aur 1987 ke election se pahile uske resign kare ke parraa.
KUchh din talak House of Representatives me Singh as independent member ban ke rahaa. September 1985 me uu NFP Youth Wing ke nawaa Fiji Labour arty se jorre ke kosis karis lekin iske refuse kar dewa gais. July 1986 me uu FLP ke member banaa aur 1987 election me FLP ke bagal se North Western INdian National seat[1]. 1987 ke cop ke baad uu bhi uu parliamentarins me se rahaa jiske hostage le lewa gais rahaa.
Uu abhi Auckland, New Zealand me rahe hae.
Singh ke pitaji, Ram Charan Singh ke khaas haanth 1937 me Kisan Sangh ke suruu kare me rahaa, lekin uu baad me Sangh ke chhorr ke 1944 me A. D. Patel ke jitae me madat karis rahaa.
Ii bhi dekho
[badlo | source ke badlo]Sanjay Dutt, Dharmendra Deol, Suwyesh Dwyvedi
References
[badlo | source ke badlo]- ↑ Howard, Michael (1991). Fiji: Race and politics in an island state. Vancouver: UBC Press. p. 378. ISBN 0-7748-0368-1.