Jerusalem
Jerusalem, Israel ke capital city hae. Ii city ek pahaarr pe hae jiske kinare dher valley hae. Ii tiin khaas dharam khatir important hae. Ii abhi Israel aur West Bank me baatal hae.
Itihaas[badlo | source ke badlo]
Jerusalem ek bahut puraana city hae. Ii Judaism, Isai Dharam aur Islam khatir khaas jagha hae. Bible bataawe hae ki King David, Israel ke duusra raja, ii city ke pagan log se lae ke aapan mahal huan pe banais. King Solomon, David ke larkaa aur aglaa raja, Temple in Jerusalem ke banais. Baad me jab ii Judah ke capital rahaa tab Jerusalem ke Babylon ke raja barbaad kar diis rahaa. King David ke mahal aur Solomon ke Mandir ke jarae dewa gais rahaa.
Baad me ii jagha ke Romans log capture kar linn rahaa. King Herod the Great, jon ki Roman Emperor ke khatir raaj karat rahaa, Mandir ke barraa karis aur Yahudi log ke aapan side laae ke kosis karis. Isu Masih, AD 33 me Jeruslem me maraa rahaa. AD 70 me the Yahudi log rebel kar diin lekin Roman log city aur Temple ke barbaad kar diin. Yahudi log jon Jeruslam me rahat rahin ke pakarr ke gulaam banae dewa gais rahaa. Roman log ii city ke naam badal ke Aelia Capitolina kar diin. Iske baad Mandir ke marammat nai karaa gais aur abhi iske khaali ek dewaal bachaa hae.
Jab Roman Empire dui bhaag me vibhajit hoe gais tab Byzantine Empire Jerusalem pe raj karis. Baad me Muslim ii city ke lae liin. Muslim log ii biswa kare hae ki Muhammad Jerusalem se jannat gais rahaa.
Baad me, Pope, Crusaders ke Western Europe se, Jeruslam ke Isai log ke khatir waapasle ke kharir, bhejis. Uu log ke kuchh safaltaa milaa lekin kuchh saal baad Jeruslam Arab log ke niche aae gais. 20th century talak, Jeruslam Ottoman Empire ke hissa rahaa. Jeruslam me kuchh Yehudi rahin, ii rahe par bhi ki duusra log hian pe raj karat rahin.
Nawaa Jerusalem uu hissa hae jon ki puraana stone wall ke bahaar hae. Nawaa Jeruslam ke 1800s me banae ke suruu karaa gais rahaa. Mishkenot Sha'annanim, Mea Shearim, aur Bukharan Quarter, nawaa city ke pahila neighborhoods hae.
World War II ke baad, United Nations Yahudi log ke, jisme se dher Europe me Holocaust sahe rahin, Palestine me Arab log ke saathe rahe khatir bhej diin.
Jerusalem ke Hebrew bhasa me "Yerushalayim" pronounce karaa jaae hae.
Jerusalem ke sab building me ek khaas Jerusalem stone hae.