Islam

Islam (Arbii: إسلام) uu dharam hae jiske Muhammad, Arabia me 7th century me suruu karis rahaa. Jon log ii dharam ke maane hae ke Muslim bola jaawe hae. Uu logan ek bhagwaan jiske Arbii me Allah, bolaa jaawe hae ke maane hae. Muslim log ii biswas kare hae ki Muhammad bhagwaan ke aakhri prophet rahaa. Muslim log ke holy book Quran hae. Muslim log dui aur book Sunnah aur Hadith ke bhi parrrhe hae.

Islam Mecca me 610 CE me suruu bhais rahaa jab Muhammed ke pahila revelation mila. Muhammed ke maut talak, Arabian Peninsul ake jaada log Muslim ban gae rahin. Rashidun Caliphate ayr Umayyad Caliphate ke niche islam Iberian Peniinsula se Indus Valley talak fael gais rahaa. Abbasid Caliphate ke niche Muslim world me scientific, economic aur cultural pragati bhais rahaa.

Islam ke dui khaas sect hae Sunni Islam (85-90%) aur Shia Islam (10 - 15%). Shia aur Sunni ke biich ke vibajin Muhammed ke succession ke kaaran suruu bhais rahaa. Duuno me ek aur khaas antar hae ki jab Sunni dadith me chhe book hae, tab Shia hadith me chaar book hae.

Muslim log 49 des me majoritu me hae. Dunia ke lagbhag 12% Muslim log Indonesia me rahe hae aur ii sab se barraa Muslim majority waala des hae. 31% Muslim log South Asia me rahe hae, 20% Middle East me rahe hae aur 15% Sub-Saharan Africa me rahe hae. Muslim log Americas, China aur Aurope me bhi rahe hae. Islam, dunis ke sab se jorr barrhe waala dharam hae, jiske ke kaaram high fertility rate hae.[[File:|thumb|right|200px|]]

Ii bhi dekho

Learn Islam and Quran Archived 2015-09-08 at the Wayback Machine
Quran in Hindi
Sunni Islam
Learn about Islam