Vijay Raghubar Singh (Sir)

Wikipedia se
(Vijay R. Singh se bheja gais)
Hian jaao: navigation, khojo
Sir Vijay Raghubar Singh
Vijay R. Singh
Vijay R. Singh
Janam 13 July 1931
Yalalevu, Ba, Fiji
Maut 25 September 2006
Brisbane, Australia
Nationality Fiji citizen
Jaati Hindustani
Citizen Fiji citizen
Parrhai L.L.B.
Parrhai ke jagha London
Kaam Lawyer, Kisan ke neta, Cabinet ke member
Kon saal me kaam karis 1959 - 1987
Home town Ba, Fiji
Kaahe jaana jaae hae Cabinet ke member
Legislative Council ke member, 1966 - 1972
House of Representatives ke member
1972 - 1977, 1982 -1985, Senate ke member
1977 - 1979
Party Alliance Party 1966 - 1979
National Federation Party 1982 - 1985
Dharam Hindu (Arya Samaji)

Sir Vijay Raghubar Singh, KBE (13 July 1931 - 25 September 2006), Fiji ke Alliance Party ke suruu kare waala log me se ek rahaa aur aur duuo ajaadi se pahile waala Legislative Council aur ajaadi ke baad waala House of Representatives ke member rahaa. Uu Fiji ke sarkar me Member for Social Services, Minister of Commerce, Industry and Cooperatives, Minister for Housing, Urban Development and Social Welfare aur Attorney General rahaa. Uu House of Representatives ke Speaker bhi rahaa. Uu aapan House of Representatives ke seat haare ke baad me Senate ke member dui saal talak rahaa. 1979 me uu Alliance Party se resign kar diis aur baad me National Federation Party join kar liis jiske taraf se 1982 ke election me uu fir se House of Representatives ke member banaa. 1985 me uu Parliament se resign kar ke Fiji Sugar Cane Growers Council ke Chief Executive banaa. Politics me aae se pahile uu ganna ke kisan ke union ke leader rahaa. Uu aapan yogdaan Fiji me Jaycees aur Arya Samaj ke bhi diis hae. Uu ek lawyer rahaa aur Minister bane se pahile aur baad me aapan wakiili ke practice Fiji me karis.

Jawani ke din aur parrhai[badlo | source ke badlo]

Vijay Singh ke janam Yalalevu, Ba, Fiji me bhais rahaa aur uu 14 larrkan ke palwaar me sab se barraa rahaa. Uske palwaar Ba ke Arya Samaj community me ke rahaa aur Vijay aapan primary ke parrhai Yalalevu ke Arya Samaj school, Pandit Ami Chandra ke niche suruu karis, lekin aapan secondary ke parrhai Suva ke Marist Brothers High School me karis. Uu time Fiji me University nai rahaa, lekin Vijay ke palwaar ke uske overseas bheje ke paisa nai rahaa aur aapan maama ke accounting company me kaam kare lagaa. Uske determination ke dekh ke uske maama uske London me jaae ke wakiili parrhe ke khatir 1951 me bhejis. Uu khaali dui saal me aapan parrha khatam kar liis aur 1954 me Fiji laut ke Labasa me aapan practice suruu karis.

[1]

References[badlo | source ke badlo]

  1. Sir Vijay Raghubar Singh, K.B.E. passes away


Fiji ke Hindustani

Leader − Politician (1929-1971) − Politician (1972-1987) − Politician (1992-1998) − Politician (1999-2006) − Politician (2014- ) − Political Activist − Khel kuud − Government Service − Social Service − Education − Dharam − Businessman − Unionist − Writer

Totaram Sanadhya −  Manilal Doctor −  Vashist Muni −  Badri Maharaj −  Vishnu Deo −  Ami Chandra −  A. D. Patel −  Ayodhya Prasad −  Muhammed Twahir Khan −  Sadhu Kuppuswami −  Swami Rudrananda −  B. D. Lakshman −  M. N. Naidu −  S. M. Koya −  Vijay R. Singh −  Jai Ram Reddy −  Harish Sharma −  Mahendra Chaudhry −  M.S. Sahu Khan −  Aiyaz Sayed-Khaiyum