Leonidas (jahaaj): ke revisions ke biich ke antar
No edit summary |
No edit summary |
||
Rekha 45: | Rekha 45: | ||
== Aur dekho == |
== Aur dekho == |
||
{{portal|Girmit| |
{{portal|Girmit|Berar.jpg|size=50|left=yes}} |
||
<br/><br/><br/> |
<br/><br/><br/> |
||
09:38, 25 Julai 2009 ke badlao
Leonidas, pahila jahaaj rahaa jisme girmitya logan ke India se Fiji lawa gais rahaa. Iske naam Sparta ke raja se aais hai. Suruu me ii jahaaj West Indies me girmitya log ke lae jaae ke khatir kaam me lawa jawat rahaa. 1878 me ii 580 girmitya logan ke St Lucia lae gais rahaa. [1] [2]
Fiji ke yatra
Leonidas, 3 March 1879 ke Calcutta chorris aur 72 din baad, 15 May 1879, ke Levuka pahuchis. Jahaaj me kul jorr 498 passenger rahin jisme 273 admi, 146 aurat aur 79 larrkan rahin. Ii logan uu 61,000 girmitya logan me se pahila rahin jon ki 1879 se 1916 tak Fiji aae rahin.
Jahaaj me bemaari
Jab Leonidas ke Calcutta chorre ke khali tiin din bhais rahaa tab kuchh girmitya logan ke haeja (cholera) aur kuchh ke maata (smallpox) pakarr liis. Surgeon Superintendent ke kosis ke bawajuut satrah log mar gain. Jab ki Levuka me quarantine station nai rahaa tab jahaaj ke duur anchor karaa gais aur khaana aur chitthi ke fumigate kar ke boat se lawa gais rahaa.
Quarantine
Yanuca Lailai ke quarantine station banawa gais. Huan pe khali 350 jan ke rahe ke khatir jagah rahaa. Chhe roj me aur fuus ke ghar banae ke girmitya logan ke ii island me lawa gais. Hian par bhi pandrah aur log ke maut, dysentery, diarrhoea aur typhoid, se bhais. 9 August 1879 ke girmitya logan ke quarantine se chhorra gais.
Yatra ke suchi
Pahuche ke tarik | Manzil | Passenger ke number | Maut |
---|---|---|---|
1878 | St Lucia | 580 | - [3] |
15 May 1879 | Fiji | 463 | 32 [4] |
Bahaari jorr
Aur dekho
References
- ↑ Names of Some East Indians in St. Lucia c. 1891
- ↑ THE EAST INDIAN LEGACY IN ST LUCIA
- ↑ THE COMPASS: Colony - St. Lucia
- ↑ K. L. Gillion, Fiji's Indian Migrants, p. 212, Oxford University Press, London, 1962, ISBN 0-19550-452-6
Bibliography
- Fiji Times, 17 May 1879
- Fiji Government, The Colony of Fiji: 1874 – 1924, Government Printer, Suva, Fiji, 1925
- B.V. Lal, Chalo Jahaji: on a Journey through Indenture in Fiji, Australian National University, Canberra, 2000, pp. 143-152
- K. L. Gillion, Fiji's Indian Migrants, pp. 63-65, Oxford University Press, London, 1962, ISBN 0-19550-452-6