Syria (jahaaj)

Wikipedia se
Jump to navigation Jump to search
Girmit Jahaaj Syria
Syria ke wreck
Jahaaj ke number: 6
Jahaaj ke banawat: Sailing Ship
Fiji pahuche ke taarik: 14 May 1884
Immigration pass ke number: 2355 - 2792
Jahaaj me etna girmitya rahin: 438
Jaane maane girmitya:

Syria ek jahaaj rahaa jisme girmitya logan ke India se Fiji lawa gais rahaa, aur ii jahaaj Fiji me chattan ke uppar charr ke barbaad hoe gais rahaa.

Banawat[badlo | source ke badlo]

Syria, 207.7 feet lamba aur 1,010 ton garrhu loha ke banaa, paal waala jahaaj rahaa. Iske 1868 me Nourse Line ke khatir William Pile of Sunderland banais rahaa. Ii jahaaj ke naam Karnataka me Syria Nadii se aais hae.

Itihaas[badlo | source ke badlo]

Fiji aae se pahile ii jahaaj West Indies girmitya log ke lai jaae ke khatir kaam me lawa jaawat rahaa. Syria ke Fiji ke yatra uske khatir akhri yatra rahaa jab ki Suva se khali 4 mile duur ,etwar ke roj, 11 May 1884 ke saarhe aath baje, Nasilai Reef ke uppar charr gais rahaa aur 49 logan mar gain. Ii Fiji ke sab se kharaab durghatna rahaa. Syria, Calcutta 13 March 1884 ke 497 girmitya logan ke lae ke choris. Syria ke yatra bina koi ghatna ke rahaa jab ki uu Indian Ocean se Australia ke south me jaae ke huan ke hawa ke istemaal kar ke khaali 58 roj me Fiji ke nangich pahuncha. Jab jahaaj ke Captain Kadavu dekhis tab uu jaada hawa ke khatir allow nahi karis aur Syria, Nasilai Reef ke, Captain ke anumaan se, nangich rahaa. Saat baje raat talak puura chaand rahaa lekin koi bhi lookout, mast pe, nahi rahaa jon ki duur se reef ke uppar wave ke dekh leta.

Nasilai reef pe[badlo | source ke badlo]

Aath baj ke pandrah minute pas bhais rahaa jab ke reef dekha gais, aur Captain ke kosis ke bawajuut saarre aath baje Syria reef pe charr gais.

Chhe me se paanch lifeboat duub gais aur chhatwa me crew log madat khoje ke khatir gain. Uu log Nasilai gaon pahuchin lekin kaiviti log ke samghae nahi pain ki konchij bhais rahaa aur uu log ke Suva ke jagha Levuka lai jawa gais. Paanch baje sanjah ke Levuka pahunch ke ek rescue party taiyaar karaa gais jon ki Mangar (13 May) ke sabere rescue kosis suruu karin. Jab rescue boat Nasilai pauchis tab jaada girmitya log paani me rahin reef ke uppar aur jamin ke taraf jae ke kosis karat rahin lekin bahut log, jaada kar ke aurat aur larrkan log, jahaaj me rahin. Jetna log jinda rahin uu log ke kaiviti log boat me Nasilai gaon lae gais. Aath baje raat ke rescue khalaas bhais. Duusar din sabere girmitya log ke Nasilai Immigration Depot aur huan se Nukulau lae jawa gais. Pachaas aur che girmitya aur tiin lascar log ke maut hoe gais rahaa. Agle dui hapta talak gyaarah aur log ke maut hoe gais.

Yatra ke suchi[badlo | source ke badlo]

Pahuche ke tarik Manzil Passenger ke number Maut
2 January 1872 Trinidad 420 3 [1]
24 November 1873 Trinidad 412 23 [1]
30 March 1874 Nevis 315 - [2]
28 January 1877 Trinidad 447 3 [1]
2 February 1878 Trinidad 474 11 [1]
14 May 1884 Fiji 438 59 [3]

Bahaari jorr[badlo | source ke badlo]

Aur dekho[badlo | source ke badlo]


References[badlo | source ke badlo]

  1. 1.0 1.1 1.2 1.3 Indian Immigrant Ship List
  2. Updated List of Ships that transported E
  3. Indian indenture ships to Fiji

Bibliography[badlo | source ke badlo]

  • K. L. Gillion, Fiji's Indian Migrants, p. 212, Oxford University Press, London, 1962, ISBN 0-19550-452-6
  • Lubbock, Basil, Coolie ships and oil sailors, Brown, Son & Ferguson, 1981, ISBN 0-85174-111-8.


Héraldique meuble Vaisseau.svg Girmit waala jahaaj Héraldique meuble Vaisseau.svg
Leonidas Berar Poonah I Poonah II Bayard Syria Howrah Pericles S.S. Newnham Main
Ganges I Boyne Bruce Hereford I Moy I Rhone I Allanshaw Danube Jumna I British Peer
Avon I Hereford II Moy II Jumna II Ems I Hereford III S.S. Vadala S.S. Virawa I Erne Elbe I
Rhone II Clyde Moy III Avon II Ganges II Ganges III Elbe II Arno I Rhine S.S. Fazilka I
S.S. Fultala I S.S. Fazilka II S.S. Virawa II S.S. Fazilka III Mersey Elbe III Arno II Arno III Ems II S.S. Fultala II
S.S. Virawa III S.S. Wardha I S.S. Fultala III S.S. Fazilka IV S.S. Fultala IV S.S. Wardha II S.S. Fazilka V S.S. Virawa IV S.S. Fazilka VI S.S. Sangola I
S.S. Sangola II S.S. Sangola III S.S. Sangola IV S.S. Sangola V S.S. Santhia I S.S. Sangola VI S.S. Santhia II S.S. Mutlah I S.S. Sutlej I S.S. Ganges I
S.S. Mutlah II S.S. Sutlej II S.S. Sutlej III S.S. Indus S.S. Ganges II S.S. Ganges III S.S. Ganges IV S.S. Sutlej IV S.S. Ganges V S.S. Ganges VI
S.S. Chenab I S.S. Chenab II S.S. Mutlah III S.S. Ganges VII S.S. Mutlah IV S.S. Chenab III S.S. Sutlej V