Wikipedia:Aaj ke featured article/December 2008

Aaj ke featured article ke archive
September 2008 - October 2008 - November 2008 - December 2008

Aaj Mangar, 26 Navambar, 2024 hai. Abhi ke time 21:44 hai

December 1

Elbe, 30th jahaaj rahaa jisme gimitya logan ke India se Fiji lawa gais rahaa. Ii jahaaj 1,693 ton garrhu, tiin mast waala, loha ke banaa, paal waala jahaaj rahaa. Iske lambai 257 feet, chaurrai 38.2 feet aur gahiraii 23.1 feet rahaa. Iske Russel & Company Glasgow me Nourse Line khatir banais rahaa. Iske naam, River Elbe jon ki Germany me hai se aais hai aur iske July 1887 me launch karaa gais rahaa. Iske jaada kar ke girmitya logan ke British colonies me lae jae khatir kaam me lawa jaat rahaa jisme Fiji, Suriname aur Trinidad rahaa. 13 June 1896 ke ii jahaaj pahila dafe 615 girmitya logan ke lae, duusra dafe 26 July 1900 ke 604 girmitya logan ke lae ke aur tiisra dafe 5 August 1903 ke 590 girmitya logan ke lae ke Fiji aais. Iske tiisra trip me pahila dafe Madras se girmitya logan Fiji lawa gais rahaa. (aur...)

Pichhile tiin din ke featured article: Erne jahaaj – Virawa jahaaj – Vadala jahaaj

Archive

view – talk – edit – history

December 2

Clyde, 32nd jahaaj rahaa jisme girmitya logan ke India se Fiji lawa gais rahaa. Ii jahaa 1,840-ton garrhu, loha ke banaa, paal waala jahaaj rahaa jon ki 270.9 feet lamba, 39 feet chaurraa aur 22.5 feet gahira rahaa. Iske Russell & Company, Port Glasgow, Scotland, Nourse Line khatir banais rahaa. Iske naam River Clyde se aais hai jon ki Glasgow me hai, aur iske 25 July 1894 ke launch karaa gais rahaa. Iske jaada kar ke girmitya logan ke British colony lae jae khatir kaam me lawa jaat rahaa. 1 June 1897 ke Clyde 670 girmitya logan ke lae ke Fiji aais. Iske baad me ii West Indies ke trip bhi karis. (aur...)

Pichhile tiin din ke featured article: Elbe jahaaj – Erne jahaaj – Virawa jahaaj

Archive

view – talk – edit – history

December 3

Arno, 38th jahaaj rahaa jisme girmitya logan ke India se Fiji lawa gais rahaa. Ii jahaaj 1,825 ton garrhu, loha ke banaa aur paal waala jahaaj rahaa. Iske lambai 270.7 feet, chaurrai 39 feet aur gahirai 22.5 feet rahaa aur iske 19 January 1893 ke launch karaa gais rahaa. Iske Glasgow ke Charles Connell & Company, Nourse Line khatir banais rahaa. Iske jaada kar ke British colony me girmitya logan ke lae jae khatir kaam me lawa jaawat rahaa. Ii pahila dafe 23 July 1900 ke, 627 girmitya logan ke lae ke, duusra dafe 4 September 1903 ke 634 girmitya logan ke lae ke aur tiisra dafe 3 May 1904 ke 631 girmitya logan ke lae ke Fiji aais. 1896 me ii jahaaj West Hartlepool me chattan ke uppar charr gais rahaa. Arno ke 1910 me Norwegian logan ke bech dewa gais rahaa. 10 October 1913 ke ii jahaaj Fredrikstad se Pernambuco ke trip me herae gais. (aur...)

Pichhile tiin din ke featured article: Clyde jahaaj – Elbe jahaaj – Erne jahaaj

Archive

view – talk – edit – history

December 4

Rhine, 39th jahaaj rahaa jisme girmitya logan ke India se Fiji lawa gais rahaa. Ii jahaaj 1,691 ton garrhu, loha ke banaa paal waala jahaaj rahaa jiske Port Glasgow ke Russel & Company, Nourse Line khatir banais rahaa aur jiske 10 December 1885 ke launch karaa gais rahaa. Ii jahaaj 257.2 lamba, 38.3 feet chaurra aur 23.1 feet gahiraa rahaa aur iske naam Germany ke Rhine nadii se aais hai. Iske jaada kar ke girmitya logan ke British colonies me lae jae khatir kaam me lawa jaat rahaa. 30 August 1900 ke Rhine 491 girmitya logan ke lae ke Fiji aais rahaa. 1907 me Rhine ke New Brunswick, Canada ke R.C. Williams ke becha gais rahaa. 1909 me iske fir se W.H. Chandler ke becha gais, jon, Rhine Shipping Company, Montreal, Canada me chalaat rahaa. 1911 me Rhine Shipping Company ke aur 1915 me Boston ke W. McKissock ke aur 1923 me E.P. Reiss ke becha gais. (aur...)

Pichhile tiin din ke featured article: Arno jahaaj – Clyde jahaaj – Elbe jahaaj

Archive

view – talk – edit – history

December 5

Totaram Sanadhya (1876 - 1947) Fiji ke Hindustani ke adhikar khatir maang kare waala pahila admi rahaa. Uske dhoka se bharti kar ke girmit me India se Fiji lawa gais rahaa. Uu 1893 me Fiji pahuchis aur paanch saal ke girmit kaatis lekin aapan adhikaar ke khaatir larrai karte rahis. Girmit khalaas kare ke baad, Sanadhya aapan kheti suruu karis aur sanghe sanghe pandit ke kaam bhi karis. Uu duusra Hindustani log ke madat hardam karat rahaa aur India se bhi madat le ke kosis karis. 1914 me uu India laut gais aur aapan experience ke baare me ek book, Mere Fiji Desh me Ikkis Varsh, likhis. Ii book ke parr ke India me Fiji ke prastithi ke baare sab log ke jaankari mila. (aur...)

Pichhile tiin din ke featured article: Rhine jahaaj – Arno jahaaj – Clyde jahaaj

Archive

view – talk – edit – history

December 6

Fazilka, 40th jahaaj rahaa jisme girmitya logan ke India se Fiji lawa gais rahaa. Ii jahaaj 4,152 ton garrhu steamship rahaa jiske lambai 366 feet, chaurrai 48.2 feet aur gahiarai 26.5 feet rahaa. Iske William Doxford and Sons, British-India Steam Navigation Company (B.I.S.N.) khatir 1890 me banais rahaa. Iske engine 462 nhp ke rahaa aur ii 12.5 knots ke speed pe chale sakat rahaa. Iske naam North India ke ek town se aais hai. Fazilka, 1904 me immigrants log ke lae ke London se Brisbane aais rahaa lekin iske jaada kar ke girmitya logan ke British colonies me lae jae khatir kaam melawa jaat rahaa. Boer War ke time iske soldier logan ke India se South Africa lae jae khatir kaam me lawa gais rahaa. 28 March 1901 ke ii jahaaj 804 logan ke lae ke pahila dafe Fiji aais. Iske baad ii paanch aur dafe Fiji aais. 1919 me Nicobar Island ke lage ii jahaaj duub gais. (aur...)

Pichhile tiin din ke featured article: Totaram Sanadhya – Rhine jahaaj – Arno jahaaj

Archive

view – talk – edit – history

December 7

Mersey, 45th jahaaj rahaa jisme girmitya logan ke India se Fiji lawa gais rahaa. Ii jahaaj 1,829 ton garrhu paal waala jahaaj (sailing ship) rahaa jiske lambai 270.7 feet, chaurrai 39.0 feet aur gahiarai 22.5 feet rahaa. Iske naam England ke ek naddi se aais hai. Iske Glasgow ke Charles Connell and Company, London ke C.A Hampton aur E. Bromehead khatir 1894 me banais rahaa. 1903 me iske Nourse line ke bech dewa gais rahaa aur ii compnay iske girmitya logan ke British Colonies me lae jaae khatir kaa me lawat rahaa. 13 June 1903 ke ii jahaaj 585 girmitya logan ke lae ke Fiji aais. 1908 me Mersey ke White Star Line ke becha gais rahaa jon ki iske ek cadet training ship ke kaaam me laais rahaa aur Australia chhe dafe aais. 1914 me ii pahila paal waala jaaj rahaa jisme radio lagawa gais rahaa aur ii pahile jahaaj rahaa jisme ek cadet ke appendicitis ke operation karaa gais rahaa. 1915 me, larrai ke kaaran, White Star Line traning scheme band kar ke ii jahaaj ke Norway ke ek company ke bech diis. Iske baad iske aur dafe becha gais aur iske naa ke badal ke pahile Transatlantic aur fir Dvergso rakkhaa gais. 1923 me iske scap kar dewa gais. (aur...)

Pichhile tiin din ke featured article: Fazilka jahaaj – Totaram Sanadhya – Rhine jahaaj

Archive

view – talk – edit – history

December 8

Manilal Maganlal Doctor (28 July 1881 - 8 January 1956), Fiji me practice kare waala pahila Hindustani wakiil rahaa. Manilal ke janam Baroda, India me bhais rahaa, lekin Fiji aae se pahile uu Mauritius me kaam karat rahaa. Totaram Sanadhya ke kosis aur Mahatma Gandhi ke barrhawa ke baad, uu 1912 me Fiji aais. Uu bahut din tak Fiji me Hindustani ke adhikar khatir larris, ek newspaper, Indian Settler, ke chapis aur Indian Imperial Association ke suruu karis. 1916 me jab sarkar, Manilal ke jagah Badri Maharaj ke Legslative Council me nominate karis, tab Hindustani log bahut dukhi bhain. Sarkar, Manilal ke Hindustani log ke leader nai maanis aur 1920 ke strike ke organise kare ke aarop me uske Fiji se deport kar diis. Is ke baad uu Aden, Somalia aur Bihar me bhi wakiili karis lekin aapan akhri din Bombay me bitais. (aur...)

Pichhile tiin din ke featured article: Mersey jahaaj – Fazilka jahaaj – Totaram Sanadhya

Archive

view – talk – edit – history

December 9

Sadhu Vashist Muni ek Hindu parcharak rahaa jon ki India se Fiji, May 1920 me, aais rahaa. Uu Fiji ke Hindustani log ke batais uu log ke chaahi ki aapan dharam aur sanskriti pe ghamand kare. Fiji me dher jagah uu school banais aur Hindi ke sikchha ke barrhawa diis. Uske Fiji me naam barrha jab 1921 me uu Fiji ke Western District me kisan aur majduur ke harrtaal ke leader banis. Uu Fiji me ek saal se bhi kamti time tak rahis lekin admii log aur sarkar uske baare be bahut kuch nai jaanat rahin. Bola jae hai ke uu dher jagha ek dafe pahuch jaat rahaa. March 1921 me sarkar uske deport kar this, ii bol ke ki uu Mahatma Gandhi ke jaasus rahaa. Uske deport kare ke baad, Suva ke Government House, bijli gire ke kaaran, jar gais aur janata log me uske chamatkaar kare ke taagat me biswas aur barrhaa. (aur...)