The Holocaust
| The Holocaust | |
|---|---|
| Part of World War II | |
_1b.jpg) Yahudi log Auschwitz II, German-occupied Poland me, May 1944 me. Isme se jaada ke gas chamber me maare ke khaatir chuna gais rahaa. | |
| Location | Europe, khaas kar ke German-occupied Poland aur Soviet Union me |
| Date | 1941–1945 |
Attack type | Genocide, ethnic cleansing, mass murder, mass shooting, death marches, poison gas, hate crime |
| Deaths | Around 6 million Jews |
| Perpetrators | Nazi Germany, iske collaborators aur allies |
The Holocaust (hol-Ə-kawst), jiske Hebrew bhasa me Shoah ( SHOH-ə; he, ) nai to HaShoah bola jaawe hae,[1][2][3] World War II ke time Europe ke Yahudi log ke genocide rahaa. 1941 se 1945 talak, Nazi Germany aur iske saathi des aur puppet state systematically lagbhag chhe million Yhudi log ke , German-occupied Europe me, lagbhag Europe ke Yahudi abaadi ke two-thirds hissa, ke hatya kar de rahin. Ii hatya ke jaada kar ke Eastern Europe me banduuk se daag ke, extermination camps me poison gas chambers me , khaas kar ke Auschwitz-Birkenau, Treblinka, Belzec, Sobibor, aur Chełmno occupied Poland me karaa gais rahaa. Iske alaawa Nazi persecutions aur kuchh million non-Yahudi civilians aur prisoners of war (POWs) ke bh maare rahin, Kabhi-kabhi, Holocaust sabd ke non-Yahudi log ke hatya ke bhi bola jaawe hae.
Nazi log aapan ideology racism aur "living space" ke khoj me banae rahin, aur Adolf Hitler 1933 me power me aais rahaa. Des ke sab Yahudi log ke majbuur kar ke des chhorr ke bhaage ke khaatir, November 1938 me, Nazi sarkar anti-Yahudi kaanun bane rahin, uulog ke tang kare ke prosaan de rahin, aur des bhar me ek pogrom ke laabu kare rahin, jiske Kristallnacht bola jaawat rahaa. September 1939 me , Germany ke Poland ke invasion ke baad, occupation authorities ghettos banae rahin Yahudi log ke alag kare ke khaatir. June 1941 me, Soviet Union ke invasion ke baad, 1.5 se 2 million Yahudi log ke German forces aur local collaborators banduuk se daag de rahin. 1942 ke suruwaat me, Nazis ii nischay kare rahin ki Europe ke sab Yahudi ke maar dewa jaae. Victims ke extermination camps me deport karaa gais rahaa, jahaan pe jon ii trip me bach gais rahaa ke poisonous gas se maar dewa gais rahaa, aur duusra jan ke forced labour camp me bheja gais rahaa, jahaan pe dher bhukmari, atyachaar, thakaan, nai to experimentation ke kaaran mar gay rahin. Maara gais Yahudi log ke property ke German occupiers aur non-Yahudi ke de dewa gais rahaa. Jab ki jaada jan Holocaust me 1942 me mare rahin, ii hatya May 1945 me larrai ke ant talak chalte rahaa.
- ↑ "About Holocaust". About Holocaust. Retrieved 2025-09-06.
- ↑ "השואה - יד ושם". wwv.yadvashem.org. Retrieved 2025-09-06.
- ↑ "השואה". www.nli.org.il (in Hebrew). Retrieved 2025-09-06.