Saint Paul

Wikipedia se
Hian jaao: navigation, khojo
A painting of Paul of Tarsus by Rembrandt


Paul of Tarsus, jiske Saint Paul the Apostle ke naam se bhi jaana jaawe hae, (967) ek Christian writer aur teacher rahaa. Uu New Testament me Pauline Epistles likhis rahaa. Ii biswas karaa jaawe hae ki uu Bible ke terah book likhis rahaa.

Paul ke naam suruu me Saul rahaa. Uu aapan jawani ke time duuno Jewish kanun aur Greek ke rakam salah kare ke sikhis. Jab Jesus ke maut ke baad Christiannity suruu bhas tab uu iske birod karis rahaa. Uu Roman Sarkar ke kaam karat rahaa aur Christian log ke Israel aur bagal ke jagah me pakarr ke maare ke jimwar rahaa.

Jab uu Damascus, Christian logan ke khij me niklaa tab uske ek vision mila jisme Jesus Christ usse baat karis aur ii batais ki Christian logan ke maare ke matlab ii hae ki uu Christ ke maare hae jisse ki Bhagwan khusi nai hae. Iske kaaran uu andha hoe gais. Kuch din ke baad uske Ananias of Damascus mila aaur uske sight laut aais.

Saul ke ek Christian, baptised kar dewa gais aur uu tiin saal talak fir se Jewish scriptures parrhis, Christian teaching ke samjhe ke khatir. Uske bichar bilkul badal gais, uu aapan naam badal ke Paul rakh liis aur uu Jesus Christ ke chela ban gais. Uu aapan pahile ke parrhai ke kaam me laae ke aapan nawaa dhram ke duusra logan ke samjhais. Uu Roman Empire bhar me ghum ke Christianity ke parrhais aur dher Church jiske uu suruukaris ke lage chitthi likhis jon ki Christian sikchhaa ke baare me khaas jankari de hae.

67 AD me Rome ke emperor Nero ke aades ke niche uske maar dewa gais.

Duusra websites[badlo | edit source]