Jump to content

Roman Catholic Church

Wikipedia se
St Peter's Basilica, Vatican City

Roman Catholic Church sab se barraa Isaai church hae, jiske 1 billion se jaada member hae. Iske paalan kare waale biswas kare hae ki Jesus Christ ii Church ke 2000 saal pahile suruu karis rahaa. Iske headquarters, Vatican City hae.[1]

Lagbhag aadha Catholic log Latin America me rahe hae aur duusra sab se jaada Catholic log ke jagha Europe hae. Catholic Church ke agua, Pope hae, jon Vatican City me rahe hae. catholic log ii batae hae ki jesus Christ Catholic Church ke suruu karis aur Saint Peter ke pahila Pope banais.

Jab Catholic log paray kare hae tab uu log "signn of the cross" kare hae, gudhna pe jaae ke, nai to jhuk ke. ek khaas ceremony ke mass bola jaae hae. Catholics ke har etwaar aur duusra khaas din mass jaae ke parre hae.

Aur sab Isaai ke rakam, Catholic log biswas kare hae ki Jesus Bhagwaan ke larrka hae, Uu log biswas kare hae ki uske insaan se etna prem rahaa ki Jesus uulog khaatir maris rahaa, jisse sab log swarg jaae sake hae. Catholic Church Trinity me biswas kare hae; "the Father, the son and the Holy Spirit"

References[badlo | source ke badlo]

  1. Which Catholic Church?