Marilyn Monroe
| Marilyn Monroe | |||||||||||
|---|---|---|---|---|---|---|---|---|---|---|---|
 How to marry a Millionaire (1957)me | |||||||||||
| Born | Norma Jeane Mortenson 1 June 1926 Los Angeles, California, United States | ||||||||||
| Died | 5 August 1962 Brentwood, California, United States | ||||||||||
| Other name(s) | Norma Jeane Baker | ||||||||||
| Occupation | Actress, Model, Singer, Comedian, Film producer | ||||||||||
| Years active | 1947–1962 | ||||||||||
| Spouse(s) | James Dougherty (1942–1946) Joe DiMaggio (1954) Arthur M. (1956–1961) | ||||||||||
| |||||||||||
Marilyn Monroe, jiske paidaais ke naam Norma Jean Baker rahaa, 1 June 1926 ke paida bhaes rahaa. Uu ek jaana maana America ke abhinetri, gawaiya aur model rahii. Uu 29 films me act karis rahaa. Uske dher award milaa, jisme tiin golden globes aur ek best actress oscar uske Some Like it Hot ke role khatir milaa. 1950s me uu pachchhim dunia me ek sex symbol rahii. Uske tiin dafe saadi bhaes rahaa.
1999 me uske American film insitute sab time ke sixth greatest film star declare karaa gais.[1]
Zindagi aur kaam
[badlo | source ke badlo]1926–1943: Bachpan aur pahila saadi
[badlo | source ke badlo]Monroe, paida bhais rahii Norma Jeane Mortenson[2][3] 1 June 1926 me, Los Angeles General Hospital jon Boyle Heights, Los Angeles, California, United States ke parros me hae. Uske maiyaa, Gladys Pearl Baker (née Monroe), Piedras Negras, Coahuila, Mexico me paida bhais rahaa, ek garib Midwestern palwaar me, jon California migrate bhae rahin turn of the century me. Chaudah saal ke umar me, Gladys John Newton Baker se saadi karis rahaa, jon ek abusive admii rahaa aur usse nau saal barraa rahaa. Uulog ke dui larrkan rahaa, Robert aur Berniece. Gladys safaltaa se talaak ke liis aur uske dui sab se barraa larrkan ke sole custody milaa rahaa 1923 me, lekin Baker larrkan ke apharan kar ke aapan janam sthaan Kentucky lae gais rahaa. Monroe aapan bahini ke baare me pahila dafe sunis jab uu 12 saal ke rahii, aur uske pahila dafe aapan late teens me milis rahaa.
Divorce ke baad, Gladys film negative cutter ke kaam Consolidated Film Industries me karis rahaa. 1924 me uu Martin Edward Mortensen se saadi karis rahaa, lekin ii khaali kuchh mahina talak chalaa, lekin uulog kanuni talak nai liin until chaar saal baad. Gladys batais ki Mortensen (misspelled Mortenson) Monroe ke pitaji hae, janam patri me, lekin Monroe ke jaada biographers isse sahmat hae ki nai hoe sake hae, kaaheki uske pregnant hoe se dher din pahile uulog alag rahe lage rahin. Biographers Fred Guiles aur Lois Banner ke anusaar, Monroe ke pitaji likely Charles Stanley Gifford, Gladys ke boss RKO Studios rahaa, jiske saathe uske 1925 me ek brief affair rahaa. Iske samarthan ek comparison conducted jiske 2022 me karaa gais rahaa Monroe ke DNA aur Gifford ke ek descendant ke DNA se.[4]
Jab Gladys mentally and financially bachchaa ke khaatir taiyaar nai rahii, lekin Monroe ke bachpan stable aur khusi rahaa. Gladys Monroe ke evangelical Christian foster parents Albert and Ida Bolender ke saathe suburban town Hawthorne me kar diis rahaa. Gladys bhi huam pe chhe mahina tlak rahii lekin uske nikal ke city me jaae ke rahe ke parraa aapan kaam ke khaatir. Uu Monroe ke weekends me dekhe jaawat rahii. 1933 ke summer me, Gladys ek chhotaa se ghar ke Hollywood me kharirdis rahaa ek loan Home Owners' Loan Corporation se lae ke aur Monroe ke aapan saathe rakh liis. Uulog ii ghar ke lodgers, actors George aur Maude Atkinson aur uske larrki , Nellie ke saathe rahis. January 1934 me, Gladys ke mental breakdown bhais aur uske paranoid schizophrenia diagnose karaa gais rahaa.[5] Kuchh mahina baaad, ek rest home me, uske Metropolitan State Hospital me bharti karaa gais rahaa. Uu aapan jindagi ke bachaa hissa aspataal se bhitar aur baahar bitais rahii, aur Monroe se bahut kamtii milat rahii. Monroe ward of the state ban gais; Gladys ke dost, Grace Goddard Gladys aur Monroe ke jimmewaari liis rahaa.
Aglaa 16 mahina talak, Monroe Atkinsons ke saathe rahat rahii aur saait uutime uske sexually abuse karaa gais rahaa. Uu sab time sarmaawat rahii, aur uu stutter develop karis aur became withdrawn.[6] 1935 ke summer me, uu kuchh din Grace aur uske admii, Erwin "Doc" Goddard ke ssathe, aur dui aur palwaar ke saathe rahii.[7] September 1935 me, Grace Monroe ke Los Angeles Orphans Home me kar diis rahaa. Ii orphanage "ek model institution" rahaa aur aur iske uske saathe ke larrkan achchha rate kare rahin, lekin Monroe ii sochat rahi ki uu anaath hae. [8] Grace uske legal guardian 1936 me ban gais lekin uske orphanage se baahar, summer of 1937 talak nai kikaalis rahaa. Monroe ke second stay Goddard ke saathe khaali kuchh din talak rahaa, kaaheki Doc allegedly uske molest karis rahaa.[9] Iske baad uu thorra-thorra din aapan palwaar aur Grace ke dost aur palwaar ke saathe Los Angeles aur Compton me rahii.
Chapa ke gallery
[badlo | source ke badlo]
1945 ke Yank magazine me
1959 ke Some Like it Hot me
1952 ke Clash by Night ke trailer me
Niagra me
1953 ke Gentlemen prefer blondes me
Korean War ke time US soldiers ke saathe
Film
[badlo | source ke badlo]References
[badlo | source ke badlo]- ↑ AFI's 100 YEARS...100 STARS
- ↑ {{Cite magazine |url=https://time.com/5368339/marilyn-monroe-real-name-story/ |title=How Did Marilyn Monroe Get Her Name? This Photo Reveals the Story |first=Olivia B. |last=Waxman |magazine=Time |date=September 5, 2018 |access-date=June 6, 2021 |archive-date=April 1, 2025 |archive-url=https://web.archive.org/web/20250401004141/https://time.com/5368339/marilyn-monroe-real-name-story/ |url-status=dead
- ↑ "Monroe divorce papers for auction", April 21, 2005.
- ↑ Keslassy, Elsa (April 4, 2022). "Marilyn Monroe's Biological Father Revealed in Documentary 'Marilyn, Her Final Secret'". Variety. Retrieved April 4, 2022.
- ↑ Churchwell 2004, pp. 155–156.
- ↑ Banner 2012, pp. 27, 54–73.
- ↑ Banner 2012, pp. 47–48.
- ↑ Banner 2012, pp. 60–63.
- ↑ Banner 2012, pp. 62–64.