Kamal Kumar
Kamal Kumar (19??- 21 November 2023) Fiji ke Chief Justice, 2019 se 2023 talak rahaa, lekin 2022 ke election ke baad uske suspend kar dewa gais.
Uu aapan wakiil ke degree Australia ke Queensland University of Technology se karis rahaa. Kuchh din talak Australia me kaam kare ke baad uu Fiji aut aais aur useke 2013 me Fiji ke High Court me kaam mila. 2018 se 2019 talak uu Fiji Human Righta and Anti-Discrimination Commission ke head rahaa. Uu dui term talak Dakshina India Andhra Sangam ke Lautoka branch ke president rahaa.[1]
Pichhlaa Chieif Justice ke retirement ke baad, April 2019 me uu Acting Chief Justice banaa[2] aur uske ii appointment ke 6 August 2021 me confirm kar dewa gais.[3]
30 January 2023 ke uske President suspend kar diis jab uspe ii aarop lgaawa gais ki uu misbehave karis rahaa.[4] Uske uppar mukadmaa hoe se pahile, uu 21 November 2023 me mar gais.[5]
References
[badlo | source ke badlo]- ↑ "Hon. Acting Chief Justice Kamal Kumar". events.development.asia (in English). Retrieved 2024-06-14.
- ↑ "Anthony Gates retires as Fiji's Chief Justice". RNZ. 2 April 2019. Retrieved 14 June 2024.
- ↑ "Kumar sworn in as Fiji's Chief Justice". Fiji Times. 6 August 2021. Retrieved 14 June 2024.
- ↑ "Justice Kumar suspended; Justice Temo to act as Chief Justice". Fiji Times. 31 January 2023. Retrieved 14 June 2024.
- ↑ "Suspended CJ passes away", FBC News, 22 November 2023.