Hathyaar

Hathyaar ek chij hae jisse ek jan, nai to jaanwar, ke attack aur injure karaa jaae hae. Insaan, puraana jamaana se hathyaar ke kaam me laae hae. Jab ke duusra jaanwar bhi kathyaar ke kaam me laae hae, jaada kar ii jaamwar ke dehin me attached rahe hae, jaise ki taanth, claw, tusk.^[1] Insaan jon hathyaar ke kaam me laae hae depend kare hae ki kon kaam kathir iske use karaa jaae hae. Insaan, jabse pahila dafe patthar ke hatyaar ke ruup me kaam me laais hae, sab time nawaa aur jaada taagatwar hathyaar ke banae hae.^[2]

Itihaas

Sab se pahila hathyaar patthar rahaa. Iske baad moto ke kaam me laae jaae lagaa. Tiir aur baan (bow and arrow) ke lagbhag 20,000 BC se kaam me laawa jaae hae.^[3] Bronze Age ke samay se insaan metal se hathyaar banae hae. Insaan barraa barraa machine banain jisse barraa barra patthar ke biig ke castle ke diwaal ke tuurra jaawat rahaa. Iske "catapult" aur "siege engine" bola jaae hae. Baad me gunpowder ke China me banaawa gais aur Europe ke log iske banduuk aur toop (cannon) me kaam me laae rahin. Ii hathyaar se Europe ke log dunia ke aur des ke aapan niche kar liin. Dunia ke dher des ke log banduuk shotgun aur rifle rakkhe hae jisse jaamwar ke maaraa jaae sale aur pistol jisse insaan ke maara jaae sake.

1884 me machine gun ke banaawa gais rahaa, jon dherr golii ke bahut jor se daage sake hae. Iske baad land mine, jon jamiin ke niche gaarraa gais bomb hae, ke bhi kaam me laawa jaae lagaa. Submarine ke banaawa gais jon torpedo se barrraa jahaaj ke dubae sake hae. Jab plane ke banaawa gais tab log isse dusman ke golii maare aur uppar bomb girae ke khaatir kaam me laae lagin. World War I ke time tank ke banaawa gais jisme motaa armour aur barraa bamduuk rahaa. World War I me poison gas ke bhi kaam me laawa gais rahaa.

World War II me city pe plane se dher bomb giraawa gais rahaa aur Germany bomb se bharaa missile ke bhi kaam me laais rahaa. Larrai ke ant hote America, Japan ke city, Hiroshima aur Nagasaki me atomic bomb girae rahin.

References

↑ Robert L. O'Connell, Of Arms and Men : A History of War, Weapons, and Aggression (Oxford; New York: University of Oxford, 1989), p. 14
↑ Chris McNab, A History of the World in 100 Weapons (Botley, Oxford; Long Island City, NY: Osprey Publishing, 2011), p. 5
↑ "Timeline: Weapons technology". New Scientist. Retrieved 31 October 2015.

[OConnell14-1] Robert L. O'Connell, Of Arms and Men : A History of War, Weapons, and Aggression (Oxford; New York: University of Oxford, 1989), p. 14

[2] Chris McNab, A History of the World in 100 Weapons (Botley, Oxford; Long Island City, NY: Osprey Publishing, 2011), p. 5

[3] "Timeline: Weapons technology". New Scientist. Retrieved 31 October 2015.

[1]

[2]

[3]