Hard disk
Ek hard disk drive (HDD), jiske khaali hard disk, nai to hard drive ke naam se jaana jaae hae, computer ke khaatir ek storage device hae. Hard disk ke IBM sab se pahile 1956 me kaam me laais rahaa.
Ek hard drive me ketnaa jaankari rakkhaa jaae sake hae, ke gigabyte (GB), nai to terabyte (TB) me naapa jaae hae. Pahile megabyte (MB) aur byte (B) ke bhi kaam me laawa jaawat rahaa. Ii char chij ke biich ke sambandh ke niche ke equation me dekhaawa gais hae:
- 1 MB = 1000B
- 1GB = 1000MB
- 1TB = 1000GB
Hard disk me jaankari ke magnetism se rakkhaa jjae hae, ek nai to jaada platter ke kaam me laae ke. Ii platter ke saathe ek magnetic head rahe hae jon ki platter me likhe, nai to parrhe hae.[1] Jaankari ke "random access" ke method se parrha jaae hae; jiske matlab hae ke jaankaari ke platter me se koi jagha se parrha jaae sake hae.
Hard disk ke computer se jorre ke khaatir Serial ATA, Parallel ATA. Fibre Channel, SCSI cable ke kaam me laawa jaae hae.
References[badlo | source ke badlo]
- ↑ Arpaci-Dusseau, Remzi H.; Arpaci-Dusseau, Andrea C. (2014). "Operating Systems: Three Easy Pieces, Chapter: Hard Disk Drives" (PDF). Arpaci-Dusseau Books. Archived (PDF) from the original on February 16, 2015. Retrieved 17 June 2024.