Grace Deoki

Wikipedia se
Jump to navigation Jump to search

Grace Magdelene Deoki (1917 - 2011), Fiji ke ek samaj sewak rahisa. Grace Deoki ke janam Levuka, Fiji, me 21 March 1917 me bhais rahaa. Uske pitaji, Paul aur maiya, Damayanti Kerala, India ke isai rahin. UU aath larrkan me se sab se barrii rahis.

Grace ke parrhai Marist Convent me bhais rahaa aur uu parrhai ke baad teachaa banis. 1932 me uske saadi Rev. Ramsey Deoki se bhais, jon ki pahila Fiji ke Hindustani rahaa jon jki Fiji me the Methodist banaa.

1964 me jab Rev Deoki ke maut bhais tab Grace ke lage saat larrkan rahin. Tiin, Titus, Irene aur Doreen ke saadi hoe gais rahaa, Ian, Maureen aur Lorraine parrhat , nai to, kaam karat rahin, jab ki Angela primary school me rahii.

Suruu me Grace aapan admii ke Church me madat karis lekin, uske maut ke baad uu Fiji ke log ke sewa de ke sruu karis. Uu dher jagha ghumis aur Hindi aur English ke chhorr ke Malayam, Tamil aur Kaiviti me bhi baat karat rahis. 1971 me uu Selly Oak college, England se sociology me diploma karis. India ke sarkar ke invitation pe uu dui mahina India me rahis, jahaan pe uu women’s organizations aur uske yogdaan ke baare me sikhis.

Grace dher din talak Fiji me dher organization me sewa diis , jisme rahaa:

  • Girl Guide Commissioner for Fiji – pahila local jon ki position rakhis rahaa.
  • President of Pan Pacific South East Asia Women’s Association.
  • President of National Council of Women of Fiji.
  • Y.W.C.A. Director of the original Board.
  • Red Cross – member of Board of Directors. Also as Welfare Officer.
  • Fiji Government Education Advisory Board member.
  • Stri Sewa Sabha – President and member for some 35 years.
  • St. Giles Hospital (mental hospital) Board member for 5 years and then Chairman of Board for 5 years. She worked very hard to improve the conditions of the hospital and patients.

Grace Deoki ke uske sewa ke khaatir aadar de dekha jaawat rahaa aur 1976 me uske British Empire (O.B.E.) dewa gais.

1984 Grace, Brisbane, Australia me rahe lagis.

Uske maut 20 March 2011 ke bhais . Uu aapan pichhe 7 larrkan, 17 naati-poota aur 23 par-naati-poota chhor gais hai.

References[badlo | source ke badlo]