Electronic mail, jiske e-mail, nai to email bhi bolaa jaae hae, ek internet service hae jisse log, jiske lage email address hae, electronic chitthi bheje aur leae sake hae. Ii kaagaj ke chitthi ke rakam hae lekin jaldi se duur-duur bheja jaae sake hae aur ii jaada kar kar ke muft hae.
Kaagaj ke chithi ke rakam log ke bhi uu email mile hae jiske maanga nai gais hae. Iske "spam" bola jaae hae.
Email bheje aur le ke khaatir ek computer, phone etc. ke jaruri hae aur iske internet se jurra rahe ke chaahi, aur ek email account ke jaruri hae. Dher rakam ke email address hae lekin sab se saadharan hae is rakam ke: user@domain.com. Kuchcompany jon ki free email service de hae: gmail, Hotmail, Yahoo.
Itihaas[badlo | source ke badlo]
Computer ke kaam me laae ke sandes bhejna uutime suruu bhais jab dher log ek system ke use kare sakat rahin, khaas kar ke 1965 me MIT me.[1] Aur computer banae waale ii rakam ke computer messaging system ke develop kare rahin. 1971 me ARPANET banaa, jiske email me :@" ke kaam me laawa gais, aur log jon ki alag-alag rakam ke computer ke use karat rahin, ek duure ke email kare lagin.[2]
1983 me ARPANET Simple Mail Transfer Protocol (SMTP) ke suruu karis.
=References[badlo | source ke badlo]
- ↑ Tom Van Vleck. "The History of Electronic Mail". Archived from the original on December 2, 2017. Retrieved 19 June 2024.
- ↑ Ray Tomlinson. "The First Network Email". Openmap.bbn.com. Archived from the original on May 6, 2006. Retrieved 19 June 2024.