Central processing unit
Central processing unit (CPU), computer ke "dimaag" hae aur ii aur computer ke aur sab hissa ke aapan kaabu me rakkhe hae.[1] Ii ek bijlii (electricity) se chale waala masiin hae jon ki computer program ke aades ke paalan kare hae. CPU ke raftaar (clock speed) ke hertz (Hz) me naapa jaae hae. Aaj-kal ke CPU, GHz me chale hae. 1 GHz = 1,000,000,000 Hz.
Ghar me kaam me laae waala computer me jaada kar ke jon CPU ke kaam me laawa jaae hae ke microprocessor bolaa jaae hae jiske chaahe Intel nai to AMD banais hae. IBM aur ARM bhi CPU banae hae aur ii abhi Nvidia ke niche hae[2]) Ii company ke CPU ke jaada kar ke embedded system me kaam me laawa jaae hae, jaise ki mobile phones, motar, video game console, nai to military kr kaam ke khaatir.[3]
Aaj-kal ke computer chaahe 32-bit, nai to 64-bit CPU ke kaam me laae hae. Ek CPU ketnaa barraa dta ke handle kare sake hae ke "word sixe" bola jaae hae. 1970s se lae ke 90s ke susuwaat talak computer 8-bit aur 16-bit word size ke kaam me laawat rahin.
References[badlo | source ke badlo]
- ↑ Kuck, David 1978. Computers and Computations, vol 1. John Wiley, p. 12. ISBN 978-0471027164
- ↑ Kindig, Beth. "Why The Nvidia-Arm Acquisition Should Be Approved". Forbes (in English). Retrieved 19 June 2024.
- ↑ Patterson, David A; Hennessy, John L. & Larus, James R. 1999. Computer organization and design: the hardware/software interface. 2nd ed. San Francisco: Kaufmann, p751. ISBN 978-1558604285