China

Wikipedia se
Hian jaao: navigation, khojo
中华人民共和国

Zhōnghuá Rénmín Gònghéguó People's Republic of China

Flag Coat of arms
Jhanda Coat of arms
Des ke jaankari
Des ke motto: (none)
National anthem: March of the Volunteers
Log ke baare me
Official bhasa: Chinese bhasa
Mandarin - official baat kare waala bhasa hae uu jagah ke chhorr ke jahan pe Cantonese, English nai to Portuguese official bhasa hae (jaise ki Hong Kong aur Macao).
Population:
  - Total: {{{populationtotal}}}
Jagah
country map
Hian pe des ke dunia ke map me dekhawa jaawe hai.
Capital City: Beijing
Sab se barraa City: Shanghae
Area
  - Total: 9,596,960 km² (ranked 3)
  - Water: not available km² (2.18%%)
Politics / Government
Established: 1 October (1949)
Leader: President Xi Jinping
Premier Wen Jiabao
Economy / Money
Paisa ke naam: Renminbi (RMB¥.) Hong Kong Dollar (HKD$.) and Macau Pataca (MOP)
International information
Time ke zone: +08:00
Telephone ke dialing code: 86 (With the exception of Hong Kong(852) and Macau(853))
Internet domain: .cn / .hk /.mo

The People's Republic of China (Chinese bhasa: Simplified Chinese: 中华人民共和国, Traditional Chinese:中華人民共和國), eastern Asia me, ek communist des hae. China ke north me Mongolia aur Russia ke Siberia hae, south me Vietnam, Laos, Myanmar Bhutan aur Nepal aur west me Khazakistan hae. Iske east me South China Sea hae jiske uu paar Taiwan, Korea, aur Japan hae.

Iske Communist Party of China, 1 October 1949 ke banais rahaa. Iske abaadi dunia ke des me se sab se jaada hae. (1.3 billion log se jaada).

Iske capital Beijing hae, lekin Shanghae sab se barraa city hae. 1997 me United Kingdom, Hong Kong ke control aur 1999 me Portugal, Macao ke control China ke lautae diis. Ii duuno city kuch self-governing hae jab ki central government defense aur foreign affairs ke pachaas saal talak control karii. Taiwan ke Island ke People's Republic of China claim kare hae lekin uske paas ii island ke control nai hae. Taiwan, abhi ek democratic des hae jiske officially Republic of China (Taiwan) bolaa jaawe hae..

Itihaas[badlo | edit source]

China ke civilization, second millennium B.C.E. se hae jab ki ii ek feudal society rahaa. Iske land area abhi ke China ke rakam dekhe me rahaa, western aur northen konaa ke chorr ke jon ke badalte rahat rahaa. Ispe Mongolian log jaise Genghis Khan aur Kublai Khan larrai karte rahin. Jab ki china first millennium C.E. aur second millennium C.E. ke suruu me bahut kuch achieve karis, ii 15th century C.E. me ek isolationaist des hoe gais.

Renaissance ke time talak Europe ke des Asia ke des ke colony banae lagis. Jab ki China ke puura koi des nai le paais rahaa, dher Europe ke des, jisme Britain main des rahaa, China me aapan influence barrhaen. Kahe ki China apne aap ke dunia ke aur des se duur rakhis rahaa, uu technology me pichhe parr gais rahaa aur British log ke roke nai paais. Ii uu time clear bhaes jab 19th century me Opium Wars me Britain China ke harrais.

1911 me monarchy ke Sun Yat-sen overthrow kar ke ek Nationalist government suruu karis. Dhire dhire Marxist philosophies faela. 1927 me Chiang Kai-shek ke niche Nationalist aur Mao Zedong ke niche Communist ke biich me larrai suruu hoe gais. 1930s me jab Japan, China ke uppar larrai suruu karis tab Nationalists aur Communists ek hoe ke Japan se larrin. Ii larrai me 10 million se jaada log ke maut hoe gais. World War II ke baad civil war fir se suruu hoe gais

1949 me Communist Red Army jiit gais aur Chiang Kai-shek aur uske Nationalists loag Taiwan bhaag gain. Mao Zedong China ke leader 1976 talak rahaa jab uske maut hoe gais. Ii time me China ke relationship Western World aur Russia se kharaab oe gais. Mao Zedong ke uske Cultural Revolution khatir bhi jaana jae hae jisme dher logke maar dewa gis rahaa. Uske baad Deng Xiaoping leader banaa. 1979 me, overabaadi problem ke kaaran, China, one-child policy laabu karis jon ke ketnaa larrkian paida karaa jaae sake hae ke uppar rok lagais.In August 2008 me China, Summer Olympics ke pahila dafe host karis.

Jagah[badlo | edit source]

China, Russia ke baad, Asia ke duusra sab se barraa des hae agar khaali jamin ke dekhaa jaae lekin agar duuno jamiin aur samundar ke jorra jaae hae ta ii dunia ke duusra sab se barraa des hae. China ke border 14 des se hae.

China me dher rakam ke mausam ke jagah hae. East me, Yellow Sea aur East China Sea ke lage jamiin bahut tagrra hae aur hian pe dher rakam ke kheti karaa jaawe hae. Mongolia ke lage grasslands hae. South China me dher pahaarr hae. South-east china Yellow River aur Yangtze River ke delta hae. China ke aur naddi hae; Xi, Mekong, Brahmaputra aur Amur. West me uuncha pahaarr hae jisme se sab se uunch Himalayas hae. Uuncha plateaus me Taklamakan aur Gobi Desert hae

People and Culture[badlo | edit source]

China me 56 ethnic groups hae jisme se Han log ke majority. Communist Party of China government ke control kare hae. Mandarin Chinese haen ke main bhasa hae.

Chapa ke gallery[badlo | edit source]