Argentina

Wikipedia se

Hian jaao: navigation, khojo
República Argentina
Flag Coat of arms
Jhanda Coat of arms
Des ke jaankari
Des ke motto: Spanish: En Unión y Libertad
(English: "In Union and Liberty")
National anthem: Argentine National Anthem
Log ke baare me
Official bhasa: Spanish
Population:
  - Total: 39,921,833 (ranked 30)
  - Density: 13 per km²
Jagah
country map
Hian pe des ke dunia ke map me dekhawa jaawe hai.
Capital City: Buenos Aires
Sab se barraa City: Buenos Aires
Area
  - Total: 2,791,810¤ (ranked 8)
  - Water: 30,000 km² (1.1%)
Politics / Government
Established: 1816
Leader: Cristina Fernández de Kirchner
Economy / Money
Paisa ke naam: Argentine peso
International information
Time ke zone: -03:00
Telephone ke dialing code: 54
Internet domain: .ar

Argentina nai to República Argentina, South America ke south me ek des hai. Argentina, South America ke duusra sab se barraa des hai aur dunia ke 8th sab se baraa des hai.

Argentina me 39 million log rahe hai. Ii des ke jaada log Spanish bhasa me baat kare hai aur ii official language bhi hai. Argentina ke aur bhasa hai Guarani, Mapudungun aur Quechua aur Patagonia me Welsh.

Argentina ke capital city, Buenos Aires hai jon ki east Argentina me hai aur dunia ke sab se barraa des me se ek hai.

Argentina, west me Andes pahaarr aur east me Atlantic Ocean ke biich me hai. Iske parrosi des hai north me Paraguay aur Bolivia, north-east me Brazil aur Uruguay aur south west me Chile. Argentina, Falkland Islands (Spanish: Islas Malvinas) aur South Georgia aurSouth Sandwich Islands ke claim kare hai.

Ii des ke area is 2,766,890 km2 (1,068,302 sq mi) hai. Argentina, Antartica ke 969,464 km2 (374,312 sq mi) ke bhi claim kare hai.

vishay suchi

[badlo] Itihaas

Argentina ke naam Latin argentum (silver) se aae hai, kahe ki Spanish conquistadors logan ii sochat rahin ki huan pe silver mile hai.

Sab se purana admii logan Argentina ke Patagonia (Piedra Museo, Santa Cruz) region me rahat rahin, 13,000 saal se pahile.[1] 1480 me Inca Empire Argentina ke north-west pe kabjaa kar liis, aur aapan empire ke ek bhaag banae liis. North-est me Guaraní log ek culture develop karin jon ki yuca aaur sweet potato pe based rahaa lekin aaj kal Argentina me Italian influence ke kaaran pasta, red wines aur beef khawa jaae hai.

Goraa logan hian pe 1516 me aain. 1580 me Spain, abhi jhan pe Buenos Aires hai, me ek permanent settlement banais. 1776 me Viceroyalty of the Río de la Plata banawa gais rahaa. 25 May 1810 me jab Spain pe Napolean kabjaa kar liis tab hian ke log ajaadi ke declae kar diin. 1811 me Paraguay Argentina se bahaar hoe gais.

Argentina me aur bhasa hai Italian, English aur German. Lunfardo, Argentinean slang hai jon ki Spanish aur Italian ke misture hai aur ii bhi biswas karaa jaae hai ki Argentina ke log Italian accent me baat kare hai.

[badlo] Politics

Argentina ek federal republic hai. Argentina ke log ek President khatir vote kare hai jon ki uu logan ke uppar raaj kare hai , aur Senators aur Deputies jon ki uu logan ke khatir baat kare sake hai. December 2007 se President Cristina Fernández de Kirchner hai.

[badlo] Administrative divisions

Argentina ke 23 provinces (provincias; singular: provincia), aur 1 autonomous city (jiske jaada kar ke capital federal ke naam se jaana jaawe hai) me baata gais hai:

  1. Ciudad Autónoma de Buenos Aires*
  2. Buenos Aires (Province)
  3. Catamarca
  4. Chaco
  5. Chubut
  6. Córdoba
  7. Corrientes
  8. Entre Ríos
  9. Formosa
  10. Jujuy
  11. La Pampa
  12. La Rioja
  1. Mendoza
  2. Misiones
  3. Neuquén
  4. Río Negro
  5. Salta
  6. San Juan
  7. San Luis
  8. Santa Cruz
  9. Santa Fe
  10. Santiago del Estero
  11. Tierra del Fuego
  12. Tucumán

[badlo] Geography

Argentina ke chapa

Argentina, north se south talak 3,700 km lamba, aur east se west talak 1,400 km chaurraa hai. Iske tiin bhaag me baata gais hai: des ke central jagah ke Pampas bola jaae hai, south ke Patagonia aur west ke and the Andes bola jaae hai. Cerro Aconcagua, jon ki 6,960 metres (22,834 ft) uuncha hai, des ke sab se uuuncha phaarr hai.

Argentina ke sab se important naddi hai River Plate, Paraguay, Bermejo, Colorado, Uruguay aur Paraná.

[badlo] Aur jaankari

Argentina ke jaada log Spain, Italy, Germany, Ireland, France, aur duusra europe ke des ke log ke descendents hai. Mixed jaat ke log jiske Mestizo bola jaawe hai, Argentika ke 90% ke population hai. [1]

Football des ke national sport hai.

Argentina ek Christian des hai. Jaada Argentina ke log (80 percent) Roman Catholic hai.


[badlo] Chapa ke gallery

Pampas region

Andean Ranges

Rugby ke game

National Flower

Puma

Federal courthouse, La Plata

Buernos Aires me Motorway

[badlo] References

  1. ↑ Piedra Museo

[badlo] Duusra websites

"http://hif.wikipedia.org/wiki/Argentina" se lawa gais hae
Duusra bhasa me