Suva Mill
Suva Mill ek ganna ke pere waala mill rahaa, jiske 1872 me Suva, Fiji me Brewer aur Joske banae rahin.
Itihaas
[badlo | source ke badlo]1872 me Fiji ke dui goraa settler logan, William H. O'Halloran Brewer aur Paul Joske ek chini ke mill banain. Ii logan suruu me thora matra me chini banain jiske uu logan 5 peny pound kar ke bechin. Baad me chini ke production ke aur barhawa gais aur April 1874 me 10 ton chini Australia bheja gais. Suva ke matti chini khatir achhhaa nai rahaa aur 1875 me ii mill ke band kare ke paraa. Ii mill me £30,000 lagawa gais rahaa aur mill ke band hor ke baad Brewer faansi laae liis aur Joske duusra business kare lagaa. Ii logan ii time aapan paisa bhi chhaape rahin. [1]
Aur dekho
[badlo | source ke badlo]Bahaari jorr
[badlo | source ke badlo]- Mill ke chhapa Archived 2007-03-16 at the Wayback Machine
Granth suchi
[badlo | source ke badlo]- Gravele, Kim (1979). Fiji Times: A History of Fiji. Suva Fiji: Fiji Times. p. 161.
References
[badlo | source ke badlo]- ↑ "Fiji Paper Money". Archived from the original on 2005-04-06. Retrieved 2011-04-10.