Roald Amundsen

**Roald Amundsen**
Roald Amundsen
	Roald Amundsen
Janam	16 July 1872; Norway
Maut	18 June 1928; Antartica
Maut ke kaaran	thanda se
Body paawa gais	nai
Kabrastaan	Antartica
Citizenship	Norwegian
	Signature

Roald Engelbregt Gravning Amundsen (1872 - 1928) ek Norwegian admii rahaa jon ki Arctic aur South Pole ke baare me pataa lagais rahaa. Amundsen ke janam 16 July 1872 me bhais rahaa. Uu June 1928 me ek rescue mission kare ke time herae gais. Ii socha jaawe hae ki uu 18 June 1928 me maris rahaa.

Amundsen, 14 December 1911 ke South Pole pahunche waala pahila admii rahaa.

Uu Northwest Passage me jaawe walaa pahila admii bhi rahaa.

Bachpan ke din

Roald Amundsen ke bachpan ke chhapa, Christiania, 1875

Amundsen, Norway ke ek jahaaj chalae waala palwaar se aais rahaa. Uske janam Borge me, jon ki Fredrikstad aur Sarpsborg ke biich me hae, me bhais rahaa. Uske pitaji, Jens Amundsen ke uu chautha larrka rahaa. Uske pitaji uske jahaaj waala business se duur rakhis aur uske uppar ek doctor bane ke dabao daalis. Lekin jab uu 21 saal ke rahaa tab uske maiya mar gais aur uu University ke chhorr ke jahaaj waala business me jut gais.^[1] Amundsen ke Fridtjof Nansen ke 1888 me Greenland ke crossing aur Franklin's lost expedition inspire karis. Ii kaaran se uu jindagi bhar exploration me lagais., December 2010

Pole ke yatra

Belgian Antarctic Expedition (1897–99)

Amundsen Belgian Antarctic Expedition (1897–99) ke first mate rahaa. Ii expedition, jiske Adrien de Gerlache aguwai kais rahaa Belgica jahaaj ke kaam me laae ke, Antarctica ke khatir winter me pahila expedition rahaa.^[2] Belgica, sea ice me 70°30'S off Alexander Island me, Antarctic Peninsula ke west me fas gais rahaa. Jahaaj ke crew winter wahiin pe bitae rahin. Amundsen ke anusaar's expedition ke docor, American Frederick Cook jahaaj ke cew ke jaan bachais, janwar ke maar ke khaae ke aur crew ke fresh paani piae ke. Ii expedition se Amundsen, aage ke expeditions ke khatir achchha chij sikhis rahaa.

Northwest Passage (1903–1906)

1903 me, Amundsen, pahila expedition lai ke Canada ke Northwest Passage jon ki Atlantic Ocean aur Pacific Ocean (jiske Christopher Columbus, John Cabot, Jacques Cartier, aur Henry Hudson khoje ke kosis kare rahin), ke biich waala jgaha rahaa, chhe aur logan ke saathe, ek 47-ton loha ke seal maare waala jahaaj, Gjøa me paar karis. Amundsen, ii jahaaj ke ek chhota ingin lagais rahaa. Uu logan Baffin Bay, Lancaster Sound aur Peel Sound, aur James Ross Strait,Simpson Strait aur Rae Strait hoe ke , dui winter kKing William Island jon ki abhi iGjoa Haven, Nunavut, Nunavut, Canada me bitae rahin.^[2]

Ii time me, Amundsen huan ke Netsilik Inuit log se Arctic me jinda rahe ke skill sikhis jon ki baad me kaam me aais rahaa. Jaise ki, kutta kaam me laae ke ghasita ghicho, jaanwar se banaa kaprraa pahino. Ice me tiisra winter ke baad, Amundsen, Beaufort Sea jaawe sakaa, jahaan se uu Bering Strait gais, aur ii rakam ke se Northwest Passage paae liis.^[1] Hian se uu south me Victoria Island (Canada), aur 17 August 1905 ke Canada ke Archipelego se nikla, lekin use winter ke khatir Nome, Alaska me ruke ke parraa, jon ki Pacific ke coast me hae. Hian se uu 500 mile duur Eagle City, Alaska, jahaan pe ek telegraph station rahaa gais

References

↑ ^1.0 ^1.1 Thomas, Henry; Dana Lee Thomas (1972). Living Adventures in Science. Ayer Publishing. pp. 196–201. ISBN 0836925734. http://books.google.com/books?id=FFXyKIa_-vgC&dq=roald+amundsen+story.
↑ ^2.0 ^2.1 The Houghton Mifflin Dictionary of Biography. Houghton Mifflin Reference Books. 2003. pp. 43 1696. ISBN 061825210X.

[Thomas-1] 1.0 ^1.1 Thomas, Henry; Dana Lee Thomas (1972). Living Adventures in Science. Ayer Publishing. pp. 196–201. ISBN 0836925734. http://books.google.com/books?id=FFXyKIa_-vgC&dq=roald+amundsen+story.

[Mifflin-2] 2.0 ^2.1 The Houghton Mifflin Dictionary of Biography. Houghton Mifflin Reference Books. 2003. pp. 43 1696. ISBN 061825210X.

[1]

[2]