Reggae
Reggae ek rakam ke music hae jon ki Jamaica me 1960s me suruu bhais rahaa. "Reggae" sabd ke bahut log sab modern Jamaican music ke naam de hae.[1] 1958 ke ek gaana, "Do the Reggar" pahila gaana rahaa jisme "reggae" sabd ke kaam me laawa gais hae, aur yahii naam sab ii rakam ke music ke dewa gais hae.[2]
Reggae, traditional Jamaican Kumina, Pukkumina, Revival Zion, Nyabinghi aur burru drumming se aawe hae. Isse pahile aur rakam ke mucic rahaa jon ki reggae ke rakam rahaa, jaise ki mento, ska aur rocksteady.[3] Reggae jaada kar ke samachaar, samaajik gapsap aur politics ke baare me rahe hae.[4]
Reggae ke style me kuchh "rhythm and blues", jazz, mento[5], calypso[6] aur Africa ke cultural rythm hae. Reggae ke uske "offbeat rythm" se pahchaana jaae hae. Reggae ke tempo duuno ska aur rocksteady se dhire rahe hae.[7] Reggae music me drum aur bass lead kare hae.[8]
Reggae ke Rastafari, ek African background ke log ke dharam jon 1930s me Jamaica me suruu bhais rahaa, se khaas sanbandh hae.[9] Jab rastafari dunia me faila tab log uske reggae music se associate kare lagin, aur ii rastafari ke parchaar ke aur barrhais.[10]
Reggae dher des me faila hae, jahaan pe uu lical music se milae ke badla hae. Spanish reggae, Spanish me baat kare waala central America ke des, Panama se South America faila hae. Reggae United Kingdom me huaan ke Carribean diaspora se faila hae. Jab Bob MArley 1980 Africa ke tour karis thab reggae huan pe bhi faila.
References
[badlo | source ke badlo]- ↑ Stephen Davis. "Reggae." Grove Music Online. Oxford Music Online. Oxford University Press. Web.16 Feb 2016.
- ↑ "Frederick "Toots" Hibbert Biography". Biography.com. Archived from the original on 9 August 2016. Retrieved 2 July 2016.
- ↑ Nettleford. "Rex Nettleford: A Voice From the Caribbean", Spring 1994, pp. 1.
- ↑ "Reggae." The Oxford Dictionary of Music, 2nd ed. rev. Ed. Michael Kennedy. Oxford Music Online.Oxford University Press. Web. 16 February 2016.
- ↑ Stephen Davis. Reggae (second ed.). The New Grove Dictionary of Jazz.
- ↑ Anderson, Rick. "Reggae Music: A History and Selective Discography”. Notes 61.1 (2004): 206–214.
- ↑ May, Chris (2009-10-01). "Various Artists | Rocksteady: The Roots Of Reggae". All About Jazz. Archived from the original on 2012-02-02. Retrieved 2012-05-29.
- ↑ Cooper, Carolyn J. "Reggae – music". Britannica. Archived from the original on 18 March 2018. Retrieved 9 May 2018.
- ↑ Warner, Keith Q. (1988). "Calypso, reggae, and Rastafarianism: Authentic Caribbean voices" (in en). Popular Music and Society 12 (1): 53–62. doi:10.1080/03007768808591306. ISSN 0300-7766.
- ↑ Davis, Stephen (1992). Reggae bloodlines : in search of the music and culture of Jamaica (1st Da Capo Press ed.). New York: Da Capo Press. ISBN 978-0306804960. OCLC 26014673. https://archive.org/details/reggaebloodlines00davi.