Nimak (khaae waala)
Chemistry, me nimak koi rakam ke natural compound hae jon ki neutrl hae aur positive aur negative ion se banaa rahe hae. Ek khaas rakam ke nimak sodium chloride hae jiske khana me chhora jaawe hae.
Itihaas
[badlo | source ke badlo]Itihaas bhar me nimak sankriti (civilization) ke khaatir jaruri rahaa. Jon abhi socha jaawe jae ki Europe ke pahila city rahaa, Solnitsata, Bulgaria me, ek nimak ke mine rahaa, jahaan se uu ilaaka jiske abhi Balkans ke naam se jaana jaawe hae, 5400BC se nimak dewat rahaa.[1] Nimak ke sab se achchhaa jaana jaawe waala preservative hae, khaas kar ke gos ke khaatir, dher hajaar saal talak.[2] Ek puraana nimak nikaale waala jagha ke Poiana Slatinei archaeological site, Lunca, Romania me paawa gais hae. Ii saabut hae ki Neolithic log, khaara paani ke boil kar ke nimak nikaalat rahin 6050 BC me.[3] Ketna nimak ke nikaala gais rahaa aur ii jgha ke abaadi me direct correlation hae.[4] China ke Xiechi Talaab ke uppar se nimak ke nikaalna 6000 BC se hoe hae.[5]
Jaanwar se aawe waala khaana, jaise gos, khuun aur duudh me dher jaada nimak hae, koi tarkaari ke mukable me. Jon log jaada gos khaawe hae, uu log aapan khaana ke saathe dher nimak nai khaawe hae, jab ki gehun aur tarkari khaawe waala log ke aapn khaana me nimak chhorre ke parre hae.[6] Jaise civilization faela hae, waise nimak ke len den barrha hae. Nimak, puraana Yahudi, Greek, Roman, Byzantine aur Hittite log khatir bahmul rahaa. Middle East me nimak ke kaam me laae ke agreement ke seal karaa jaawat rahaa, aur puraana Hebrew "convenant of salt", Bhagwaan ke saathe karat rahin, jisme uulog Bhagwaan pe charrhae waala chij pe nimak chhitkat rahin.[7]
References
[badlo | source ke badlo]- ↑ LA Times Bulgarians find oldest European town, a salt production center Archived 4 May 2019 at the Wayback Machine
- ↑ Barber (1999), p. 136.
- ↑ Weller & Dumitroaia (2005).
- ↑ Weller, Brigand & Nuninger (2008), pp. 225–30.
- ↑ Kurlansky (2002), pp. 18–19.
- ↑ Wood, Frank Osborne. "Salt (NaCl)". Encyclopædia Britannica online. Archived from the original on 2 May 2015. Retrieved 9 October 2013.
- ↑ Suitt, Chris. "Covenant of salt". Rediscovering the Old Testament. Seed of Abraham Ministries. Archived from the original on 5 March 2016. Retrieved 12 October 2013.