New Labour Unity Party (Fiji)

Wikipedia se
Jump to navigation Jump to search

New Labour Unity Party (NLUP) Fiji ke ek political party rahaa, jon ki May 2001me Fiji Labour Party se alag hoe ke ek nawaa aprty banais rahaa. Iske suruu kare waala Tupeni Baba rahaa, jon ke Mahendra Chaudhry ke sarkar me a Deputy Prime Minister rahaa. Baba ii sochat rahaa ki aga Chaudhry fir se jiita tab Fiji me fir se coup hoi.

2001 ke election me New Labour Unity Party, judiciary ke aur tagatwar kar ke maang karis aur Value Added Tax ke kamti kare ke aur kuchh khaas chij pe se ekdam hatae ke maang karis. NLUP ek non-racialist Fiji ke waada karis aur corruption ke khatam kare ke khatir ek parliamentary code of conduct ke bhi maang karis. Party 45 seats ke contest karis lekin iske khaali dui seat jiite paais, Baba apane haar gais. Campaign ke time ii pataa chalaa ki party ke Australian conman, Peter Foster, F$200,000 diis rahaa. Foster actually $1 million in supporting New Labour me laais rahaa aur Baba ke "Nelson Mandela of the South Pacific." batais rahaa

Election ke baad, House of Representatives me, NLUP ke dui member ek saathe nai rahin. Kenneth Zinck sarkar me ghus gais aur ek Minister ban gais, jab ke Ofa Swann Opposition ke join kar liis. Party ke jaada member, June 2002 me ii decide karin ki uu logan tiin aur party ke saathe ek nawaa party, Fiji Democratic Party, banaiye.