Girmit Heritage Party

Girmit Heritage Party (GHP), Fiji ke ek political party rahaa, jon ki 2000 coup se displaced Hindustani logan ke khatir banawa gais rahaa.^[1]

2000 ke coup ke baad Muaniveni, Naitasiri aur Dawasamu, Tailevu ke log ke attack karaa gais aur dher log ke Kaiviti terrorist logan piitin, aurta ke rape karin au property ke damage karin. Ii logan hissa ke Lautoka (city), Fiji ke Girmit Centre me aae ke rahin. Ek admii jon ki camp pe raht rahaa, Beni Sami, aur New Zealand me rahe waala Fiji ke ek Hindustani, Anit Singh, ke GHP ke banae me haanth rahaa.

Ii refugee logan ke sarkar se koi madat nai mila rahaa, aur camp ke organise kare waala log ke Fiji Labour Party aur Fiji Human Rights Group ke saathe achchha relationship nai rahaa, kahe ki ii organisation logan camp ke orgaisers ke paise de se inkaar kar diin rahaa.^[2]

GHP ii mangat rahaa ke sarkar has ek displaced kisan ke $60,000 de.^[3]

2001 ke election me GHP Lautoka City Indian Communal Constituency aur Lautoka Rural Indian Communal Constituency ke contest karis aur iske candidate ke 0.5% se kamti vote mila.

2009 me GHP active rahaa, jab ki iske representative, Anit Singh, ek political block se GHP ke bahaar rakkhe ke virod me awaaj uthaes.^[4]

References

↑ "The Politics of Ethnicity in the Fiji Islands" (PDF). Archived from the original (PDF) on 2015-02-21. Retrieved 2010-12-05.
↑ Issue No: 890; 27 June 2001
↑ Fiji islands general election: 25 august-5 september 2001
↑ Two parties unware of political bloc

[1] "The Politics of Ethnicity in the Fiji Islands" (PDF). Archived from the original (PDF) on 2015-02-21. Retrieved 2010-12-05.

[2] Issue No: 890; 27 June 2001

[3] Fiji islands general election: 25 august-5 september 2001

[4] Two parties unware of political bloc

[1]

[2]

[3]

[4]