Gaana
Gaana ek rakam ke music hae awaaj (voice) ke kaam me lawa jaawe hae. Ii awaaj koi raag (melody) me rahe hae. Gaana me ek dhang rahe hae aur isme kuchh hissa rahe hae, jiske dohraawa jaae hae, nai to duusra rakam se baad me gaawa jaae hae. Gaana, sangeet ka saathe nai to bina sangeet ke rahe hae.
Sangeet ke khaatir likha gais sabd ke "geet ke bol" bola jaae hae. Agar gaana classical sangeet pe aadhaarit hae tab iske sastrie sangeet bolaa jaae hae. Gaana jisme koi pattern nai rahe hae ke jap (chant) bolaa jaae hae. Gaana jon saral rahe hae aur jiske dusre se sun ke sikha jae hae ke lok geet (folk song) bolaa jaae hae. Gaana jiske aam bajaar (mass market) ke khaatir banaawa jaae hae ke lokpriye sangeet (popular song) bolaa jaae hae. ii gaana ke dher jan pasand kare hae aur iske professional gaana likhe waala log likhe hae. Gaana ke studio me record karaa jaae hae nai to live darsak ke khaatir perform karaa jaae hae. Gaana ke theatre, film aur TV show me bhi gaawa jaae hae.
Ek gaana ke khaali ek gaayak gaae sake hae, ek mukhia gaayak (lead singer) jiske dal sahyok de hae, ek duet, nai to trio rahe hae. [1]
- ↑ Luise Eitel Peake. 1980. "Song". The New Grove Dictionary of Music and Musicians, sixth edition, 20 vols., edited by Stanley Sadie, Vol. 17: 510–23. London: Macmillan Publishers; New York: Grove's Dictionaries. ISBN 1-56159-174-2.