Fiji me pahila Hindustani

Wikipedia se
Jump to navigation Jump to search

Fiji me pahila Hindustani ek lascar (Indian seaman) rahaa, jon ki ek jahaaj kuud ke Fiji me rahe gais.

Cyclopedia of Fiji me likha hai ki ek lascar, jiske naam Joe rakha gais rahaa, Hibernia naam ke jahaaj ke chhorr (desert) ke Fiji me duusra aisan admii aur Australia se bhaage waala chor log ke sathe Fiji me rahaa. [1]Ii logan ke beachcomber bolaa jaat rahaa, kahe ki ii logan Fiji aae waala jahaaj khatir bech-de-mer aur chandan batore me madat karat rahin aur Fiji ke tribes logan ke ek dusre se larre khatir madat karat rahin.

Peter Dillon, ek chandan (sandalwood) ke trader, likhis hai ki 1813 me ek dal ke log jisme Dhillon jahaaj, Hunter ke lascar, beachcomber log aur Charles Savage rahin, Vanua Levu ke Wailea ke Chief ke ek larrai me madat kare gain jiske kaaran ii Chief uu logan ke chandan de ke raaji bhais rahaa. Ii larrai me duuno bagal ke dher log ke maut bhais lekin Dhillon, Lascar Joe aur tiin aur lascar jiske naam, Jonow, Hassen aur Mosden rahaaa bach gain. Larrai ke baad ii logan Bau laute ke kosis karin lekin kharaab mauam ke kaaran, jahaaj, Fiji chhorr ke north-west ke bagal chal diis aur Solomom Islands ke Tikopia island pahunch ke larai me se bacha tiin log, jisme ek Martin Buchert, Lascar Joe aur Buchert ke Kaivitni aurat rahis ke utar diis. [2]

13 saal ke baad, Dhillon ek duusra jahaaj me Chile se India jaat rahaa jab ki uu Tikopia me ruka aur Buchart aur Lascar Joe ke fir se milaa. Buchart uske saathe India chal diis lekin Lascar Joe aapan native aurat log ke saathe wahin pe ruk gais.


References[badlo | source ke badlo]

  1. Allen, Percy S, (1907), Cyclopedia of Fiji, Sydney, Australia, The Cyclopedia Company of Fiji, p.73
  2. Davidson, J.W. (1975). Peter Dillon of Vanikoro: Chevalier of the South Seas. Melbourne: Oxford University Press, p. 31. ISBN 0195504577.