Fiji Hindi phonology

Wikipedia se
Jump to navigation Jump to search

Phonology, ek bhasa me awaaj kaise bola jaae hae, ke parhai hae. Fiji Hindi ke phonology, Purbia Hindi, khaas kar ke Bhojpuri ke rakam hae. Niche ke suchi me Sudh Hindi aur Fiji Hindi ke antar hae:

  1. Sudh Hindi me "sh" ke jagha Fiji Hindi me "s" bola jawe hae. Jaise ki (Sudh Hindi bracket me hae): saadi (shaadi), saram (sharm), suruu (shuruu), Sarma (Sharma), kosis (koshis), khusi (khusi), saitaan (shaitaan), siisa (shiisha)
  2. Dher Urdu sabd jon ki Fiji Hindi me kaam me lawa jaae hae aur jisme "z" hae ke Fiji Hindi me "j" ar dewa jaawe hae. Jaise ki: (Urdu sabd bracket me hae): jabaan (zabaan), jabar (zabar), jaada (zaadah), jukaam (zukaam), jamana (zamaanah), jamin (zameen), jindagi (zindagi), jinda (zindah), jahar (zahr), jaada (ziyaadah), raaji (raazi), roj (roz), jidd (zidd), jaruur (zaroor), jamaanat(zamaanat), julum (zulm)
  3. Fiji Hindi me Urdu kaam me lawa jaae sabd jisme "q" hae ke "k" kar dewa jaae hae. Jaise ki (Urdu sabd bracket me hae): qaabil (kabil), qaaboo (kabuu), qaa'idah (kaedaa), qaanoon (kanuun), qabr (kabar), qubool (kabuul), qatl (katal), qadam (kadam), qurbaan (kurbaan), qarz (karjaa), qasam (kasam), qismat (kismat), qusoor (kasuur), qissah (khissa),
  4. Jaada umar ke Fiji ke hindustani log "f" ke 'ph" bole hae. Jise ki phal (fal), phakir (fakir), pharaak (faraak)
  5. Fiji Hindi me "x" awaaj nai hae aur iske "kh" bola jaawe hae: Jaise ki khusi (xushi)
  6. Fiji Hindi me monophthongal awaaj, "ai" aur "au" ke diphthongal ke rakam bola jaawe hae. Jaise bhaiya, kauva, bhauji
  7. Fiji Hindi me coda clusters nai hae, aur iske vowel ke kaam me laae ke hatawa jaae hae. Jaise ki: dharam (dharm), saram (sharm), karam (karm)
  8. Fiji Hindi me ek stressed syllable se pahile ke lamba vowel ke chhota karaa jaawe hae. Jaise ki naraaj (naaraaj), Rajen (Raajen)
  9. Dher Hindi sabd Hindi sabd me "l" ke jagha "r" badal ke banawa gais hae. Jaise ki baar (baal), dubra (dublaa), gaari (gaali), hardi (haldi), jaro (jalo), kambar (kambal), kareja (kaleja), kathar (kathal), keraa (kelaa), machhrii (machhlii), mangar (mangal), naara (naala), naura (naula), paidar (paidal), patraa (patlaa), samthar (samthal), sorah (sorah), ujjar (ujjal),