Eden Roskill Kai India Cricket Club

Wikipedia se

Eden Roskill Kaindianz Cricket Team[badlo | source ke badlo]

Eden Roskill KaiIndian Cricket Team ek cricket team hay Auckland, New Zealand me. Ii team char saal se chale hay. Auckland me khali ek team hay jisme khali Fiji ke hindustani log khele hay. Suru me bahut acha nahi raha team, dheere dheere launde log thora improvement dekhais hay aur ab team competitive hoy gay hay. Ii team ke subse bada achievement raha jab 2007 me Division Champions raha.

Home Ground[badlo | source ke badlo]

Ii team ke home ground hay Keith Hay Park, Mount Roskill, Auckland me, lekin kabhi waha home game nai rahe.


Current Team[badlo | source ke badlo]

2009/2010 Season ke liye team confirm hoy gay hay. Season ke pahela game 31st October 2009 ke roj raha

1. Jaisheel Singh (c)

2. Jaynesh Nair

3. Shaneel Shankar

4. Shiv Prasad

5. Nav Prasad

6. Ishveer Singh Golian

7. Sandeep Singh

8. Azriel Mohammed

9. Ranil Kumar

10. Vikrant Dutt

11. Leavil Titus

2009/2010 Season Results[badlo | source ke badlo]

Season ke pahela game Howick/Pakuranga Blue ke saath raha. Eden Roskill toss haar gay raha aur pahile bowling karis. Shiv Prasad 7 wickets lees, Vikrant dui aur Jaynesh Nair ek. Howick/Pakuranga 142 banais, Eden Roskill 21 overs me chase down kar lis raha.

7th November Vs Birkenhead City. Ii game ke liye, team ke kafi player log nahi raha aur Birkenhead bahut kharab se harais KaiIndianz ke.

14th November Vs Grafton United Lions. Jaisheel Singh toss jeet ke pahile bat karis. Ii game me Grafton Lions bahut bhari cheat kar ke game jeet lis raha. Jaynesh Nair ke sledging ek dum BADIYA! raha. Grafton Lions ke aakhiri game raha, ii game ke baad competition se team withdraw hoy gay raha.

21st November Vs Auckland University Sluggers. KaiIndianz pahile field karis, Vikrant Dutt aur Leavil Titus team ke subse acha bowlers raha. Ii game me, star bowler Azriel Mohammed chotai gay raha, jiske karan adha season phir bowling nahi karis. Ii karan se, Azriel apan batting David Warner ke style pe model karis aur Middle Order Devastator ke role team me lees.

28th November Vs Howick Pakuranga East. KaiIndianz phir pahile field kar ke game jeet gay raha. KaiIndianz ke bowling aur fielding ek dum BADIYA! raha. Jaynesh Nair ke batting Adam Gilchrist ke rakum raha. Howick Pakuranga team ganja gheech ke fielding karat raha, tab KaiIndianz batsmen ke kaam aur easy hoy gay raha. Ii game ke highlight raha Sandeep Singh ke dui catches, Jhonty Rhodes style aur ek dum BADIYA!