Diego Velázquez

Wikipedia se
Diego Velázquez

Self portrait of Diego Velázquez, 45 x 38 cm.
Birth nameDiego Rodríguez de Silva y Velázquez
Born June 6, 1599(1599-06-06)
Seville, Spain
Died August 6, 1660 (aged 61)
Madrid, Spain
Nationality Spanish
Field Painting
Works Las Meninas (1656),
La Venus del espejo (Rokeby Venus) (1644-1648)
La Rendición de Breda, (The Surrender of Breda) (1634-1635)

Diego Velázquez (June 1599 - 6 August 1660) ek Spanish painter rahaa, jon ki Spain ke raja Philip IV ke khaas artist rahaa.

Uu Baroque period ke artist rahaa aur portrait artist ke khatir mashuur rahaa. Uu dher painting me itihaas aur saskriti ke dekhais rahaa aur Spanish royality aur duusra European log ke bhi paint karis rahaa jiske lae ke uu aapan materpiece, Las Meninas (1656) ke banais rahaa.

Nineteenth century ke pahila quarter se Velázquez ke artwork realist aur impressionist painters, khaas kar ke Édouard Manet ke khatir ek model rahaa. Uu time se aadhmic artist, jisme Spain ke Pablo Picasso aur Salvador Dalí bhi hae, aur Anglo-Irish painter Francis Bacon, uske painting ke taarif karin hae.

Diego Velázquez ke bahut karraa jindagi rahaa. Uske saadi bhaes jab ki uu khaali atharah saal ke rahaa. Uske lage dui larrki rahaa. Uu 61 saal ke umar me maraa dher painting kare ke baad.

Jawani ke din[badlo | source ke badlo]

Velázquez ke janam Seville, Andalusia, Spain me bhais rahaa, au uu Juan Rodríguez de Silva aur Jerónima Velázquez ke pahila larka rahaa. Uske June 6, 1599 ke church of St Peter, Seville me, baptise karaa gais rahaa. Ii christening baby ke paidea hoe ke kuchh din baad me bhais rahaa. Velázquez ke paternal grandparents, Diego da Silva aur Maria Rodrigues, Seville me Porto, Portugal se dher din pahile aain rahaa. Duuno Juan Rodríguez de Silva aur uske aurat ke janam Seville me bhais rahaa, aur uu logan ke saadi church of St Peter me, 28 December 1597 me bhais rahaa.

Velázquez ke ii parhawa gais rahaa ki uu [bhagwaan]] se dare , aur uske office waala kaam kare ke khatir uske bhasa aur philosophy me parrhai karawa gais rahaa. Uu chhote me art ke khatir talent dekhais aur yahii kaaran se Francisco de Herrera, jon ki ek paijnter rahaa, ke nich parhai suruu karis. Velázquez uske saathe ek saal talak rahaa , jahan pe uu lamba brush se paint kare ke sikhis.

Jab uu 12 saal ke rahaa tab uu Herrera ke studio ke chhor ke Francisco Pacheco, Seville ke ek artist aur teacher, ke niche apprentice ban gais. Velázquez, Pacheco ke school me paanch saal talak rahaa, jahan pe uu proportion aur perspective sikhis aur Seville ke literary aur artistic circles me pariwartan dekhis.