Christian Democratic Alliance (Fiji)

Wikipedia se

Christian Democratic Alliance, jiske iske Kaiviti naam, Veitokani ni Lewenivanua Vakarisito (VLV), se jaada jaana jaawe hae, Fiji ke ek political party rahaa jon ki 1990s au 2000s ke suruu me active rahaa.

Ii party uu time suruu bhais rahaa jab ki 1997 me Fijian Political Party (SVT) ke ek faction party se nikal gais aur February 1999 me ii nawaa party banais. Rev. Ratu Josaia Rayawa ii party ke president banaa. Aur jaane maane member rahin Ratu Epeli Ganilau, Fiji ke pahile ke president, Ratu Sir Penaia Ganilau ke larrka aur Ratu Sir Kamisese Mara ke damaad, Adi Koila Nailatikau, RAtu Mara ke larki, Poseci Bune, Rev. Manasa Lasaro aur and Josefa Vosanibola.

1999 ke election me, ii SVT se 19% Kaviti vote hiich liis aur ii SVT ke haar ke ek kaaran rahaa. GAnilau, apne seat nai jiitis, aur Bune ke leader banawa gais. VLV Mahendra Chaudhry ke People's Coalition government join kar lis aur Bune aur Nailatikau ke Minister banawa gais.

2000 ke coup ke baad, VLV bhi split hoe gais. Isme se dher log, jisme Rayawa aur Vosanibola rahaa, interim Prime Minister ke Soqosoqo Duavata ni Lewenivanua (SDL) ke join kar liin. Bune, Fiji LAbour Party ke join kar liis.

Party, Taniela Tabu ke niche chlte rahaa, aur 2001 ke election me dui jane ke kharraa karis. Baad me iske bachaa log SVT, nai to New Labour Unity Party join kar ke, Filipe Bole ke niche Fiji Democratic Party banain. 2005 me ii Party, ek nawaa PArty, National Alliance Party of Fiji me saamil hoe gain, jiske leader Ratu Epeli Ganilau rahaa.