1932 ke election (Fiji)

Wikipedia se
Hian jaao: navigation, khojo

1932 ke election, Fiji ke Hindustani logan ke khatir duusra election rahaa. 1929 ke election ke baad, tiino Hindustani member, Vishnu Deo, James Ramchandar Rao aur Parmanand Singh aapan seat ke chhorr diin jab uu logan ke Common Roll ke prastao Legislative Council me gir gais. Ii tiino khaali dui hafta talak Council me rahin aur jab seat khaali hoe ke baad nawaa election ke khatir nomination kola gais tab koi bhi kharraa nai bhais.

1932 ke election ke bhi Hindustani leader log boycott kare mangat rahin, lekin Southern Division me Narbahadur Singh, Hamilton Beattie, jon ki Vriddhi-Vani newspaper ke editor rahaa, ke support se, kharaa hoe gais. Vishnu Deo nai mangat rahaa ki Narbahadur Singh Council me jaae aur kahe ki uu apne election larre se disqualified rahaa, uu K. B. Singh ke kharra kar diis.Ii bhi socha gais ki ek member apne se kuch nai kare paai aur common roll prastao khatir aur koi ke bhi Council me rahe ke chaahi. Ba ke ek dukandaar, Muniswamy Mudaliar, volunteer karis aur uske North Western Indian Division me kharraa karaa gais.

Southern Indian Constituency[badlo | source ke badlo]

Election ke result rahaa:[1]

K. B. Singh 341
Narbahadur Singh 92
Informal 38
Total 471

North Western Indian Constituency[badlo | source ke badlo]

Ii constituency me Vishnu Deo ke support se, Ba ke ek dukandaar, Muniswamy Mudaliar, kharraa bhais. Uske virod me koi nai kharra bhais aur uu ii rakam se unopposed jiit gais.

Eastern Indian Constituency[badlo | source ke badlo]

Ii constituency khatir koi nai karraa bhais rahaa

Chuna gais member ke chapa[badlo | source ke badlo]

References[badlo | source ke badlo]

  1. Ahmed Ali, Fiji and the franchise: A history of political representation 1900-1937,iUniverce, Lincoln, 2008, ISBN 978-0-595-45021-3, Apendix X