Emma Goldman

Wikipedia se

Emma Goldman (27 June 186914 May 1940) ek jaana maana anarchist rahii.

Biswas[badlo | source ke badlo]

Anarchist hoe ke kaaran Emma Goldman, Sarkar se nafrat karat rahii. Uu ek anarcho-communist rahii kahe ki uu communist bichar se bhi sahmat rahii. Uu ii biswas karat rahii ki log ke aapan jindagi apne se bina koi baadha ke bitae ke mauka rahe ke chaahi aur dunia ke sab log ek baraabar ke hae. Uu feminism aur gay rights]] ke bhi samarthak rahii. Uu bhagwaan me biswas nai karat rahii. Uu suruu me ii biswas karat rahii ki maar piit se revolution karaa jaae sake hae lekin baad me uu ii biswas kare lagii rahii ke maar piit khaali self-defense me kaam me laawe ke chaahi.

Jindagi[badlo | source ke badlo]

Uske janam Lithuania (jon ki uu time Russia ke ek bhaag rahaa) me bhais rahaa. Jab uu 17 saal ke rahii tab uu aapan bahini ke saathe New York rahe khatir chal diis rahaa.

Suruu me uu ek kaprraa waala factory me kaam karis aur uske saathe ek kaam kare waala admii, Jacob Kersner ke saathe sadi kar liis. Uske saadi bahut din talak nai chalaa aur uu New York City me jaae ke anarchist community ke saathe rahe lagis. UuAlexander Berkman (ek aur anarchist) kje achchhaa dost ban gais aur uske Henry Clay Frick, ek dhani admiii jon ki aapan majuur logan ke satawat rahaa, ke maare ke kosis karis Berkman ke jahel bhej dewa gais rahaa lekin Goldman ke kuchh nai bhais.

1893 me Goldman ke ek riot suruu kare ke khatir ek saal talak ke jahel ke sajaa milaa rahaa. 1901 me uske President McKinley ke maare ke kosis kare ke aarop lagawa gais lekin uske innocent pawa gais rahaa. 1901 me uske birth control ke baare me jaankari de ke khatir dui saal talak jahel karaa gais rahaa. 1917 me uske World War I nai support kare ke khatir dui saal talak jahel karaa gais rahaa.

1919 me Goldman aur Berkman ke Russia deport karaa gais rahaa. Ii time Russia me revolution howat rahaa jiske uu nai support karat rahii. Ii kaaaran se uu aur Berkman, dui saal ke baad, Russia chorr ke Europe ke dher des, jisme England aur France bhi rahaa, me rahe lagii.1936 me uu Spain gais jahan pe uu Spanish Civil War me fascists ke virod me larris.

Uske maut Toronto me 14 May 1940 me stroke ke kaaran bhaisaur uske Chicago me dafnawa gais rahaa.