Pahila Panna

Fiji Hindi Wikipedia Ii ek muft me jankari de waala Encyclopedia hae Isme koi bhi likhe sake hae Fiji Hindi Wikipedia me abhi 10,993 lekh hae.

Suchi:    1 2 3 4 5 6 7 8 9 A B C D E F G H I J K L M N O P Q R S T U V W X Y Z Vibhag Fiji       Fiji ke Hindustani       Fiji Hindi       Fiji me football      Girmit      Parrhai likhai    Dunia ke des    Dunia ke log    Dunia ke itihass    Science aur technology     Jaruri article

Fiji Hindi Wiktionary

Aaj ke khaas lekh Mersey, 45th jahaaj rahaa jisme girmitya logan ke India se Fiji lawa gais rahaa. Ii jahaaj 1,829 ton garrhu paal waala jahaaj (sailing ship) rahaa jiske lambai 270.7 feet, chaurrai 39.0 feet aur gahiarai 22.5 feet rahaa. Iske naam England ke ek naddi se aais hai. Iske Glasgow ke Charles Connell and Company, London ke C.A Hampton aur E. Bromehead khatir 1894 me banais rahaa. 1903 me iske Nourse line ke bech dewa gais rahaa aur ii compnay iske girmitya logan ke British Colonies me lae jaae khatir kaa me lawat rahaa. 13 June 1903 ke ii jahaaj 585 girmitya logan ke lae ke Fiji aais. 1908 me Mersey ke White Star Line ke becha gais rahaa jon ki iske ek cadet training ship ke kaaam me laais rahaa aur Australia chhe dafe aais. 1914 me ii pahila paal waala jaaj rahaa jisme radio lagawa gais rahaa aur ii pahile jahaaj rahaa jisme ek cadet ke appendicitis ke operation karaa gais rahaa. 1915 me, larrai ke kaaran, White Star Line traning scheme band kar ke ii jahaaj ke Norway ke ek company ke bech diis. Iske baad iske aur dafe becha gais aur iske naa ke badal ke pahile Transatlantic aur fir Dvergso rakkhaa gais. 1923 me iske scap kar dewa gais. (aur...) Aap janta hai... Ratu Cakobau 1875 ke measles epidemic, jisme 20% Kaiviti logan mar gae rahin, ke Fiji me failae waala, Ratu Cakobau aur uske dui larrka logan rahin jon ki March 1875 me Sydney se ghuum ke lauta rahin. 1879 se lae ke 1916 tak, 42 jahaaj, 87 trip me 60,553 girmitya logan ke lae ke Fiji se aais rahaa. Isme se 45,439 log Calcutta se aur 15,114 log Madras se jahaaj me charrhin rahaa. Fiji ke Legislative Council ke pahila Hindustani member Badri Maharaj rahaa, jiske Governor nominate karis rahaa aur jon 1917 - 1923 aur 1926 - 1929 tak Council ke member rahaa. Fiji me pahila football competition Nasau Park, Levuka me 1924 me, Cession ke golden jublee celebrate kare ke time, chhe Kaiviti team ke biich me Ricarnie Cup khatir, khela gais rahaa. Fiji ke Hindustani ke army me join kare ke khatir, 1934 me Indian Platoon banawa gais rahaa lekin iske 1940 me disband kar dewa gais rahaa. Royal Air Force ke khatir fighter plane kharide ke khatir, 1943 me ek Fighter Fund suruu karaa gais rahaa, aur ii paisa se nau fighter aur paanch bomber kharida gais rahaa. Ek fighter ke naam Fiji Indian Fighter rahaa. Fiji Trade Union Congress se pahile Ami Chandra, 1950s me Fiji Industrial Workers Congress suruu karis rahaa. Fiji ke 1997 ke constitution me English aur Kaiviti ke saathe Hindustani ke Fiji ke official language banawa gais rahaa. Archive

Taaja khabar Frank Bainimarama 6 February 2024 – Fiji ke pichhlaa Prime Minister, Frank Bainimarama, Attorney General, Aiyaz Sayed-Khaiyum aur Health Minister, Neil Sharma ke arrest kar ke raat bhar jail me rakkhaa gais rahaa. Duusre din tiino ke "Abuse of Office" ke khatir charge kar ke bail pe chhorr diya gais. 19 November 2023 - Fiji ke Sikh samaj, Samabula, Suva me Sikh Gurudwara ke founding ke 100th anniversary celebrate karin. 16 November 2023 - Professor Rajesh Chandra, jon ki University of Fiji aur University of the South Pacific ke Vice Chancellor rahaa, ke maut hoe gais. Gaza−Israel conflict 7 October 2023 - Hamas ke atanki Israeli ilaaka me hmalaa karis, jisame 1,400 log ke maut hoe gais aur 200 se jaada ke kidnap kar lewa gais. Israel iske 'state of war' declare kar diis. 3 October 2023 - Nepal me 6.2 magnitude ke bhukamp (earthquake) aya, ii ke asar New Delhi, India me bhi bhais rahaa. ' Aaj se sau saal pahile, 1924 me... Ii saal Fiji me Hindustani ke birth rate 34.32 per thousand aur Kaiviti ke birth rate 34.42 per rahaa, lekin Hindustani ke death rate 5.80 per thousand aur Kaiviti ke death rate 22.70 per rahaa. Fiji me ek dui-bhasa waala newspaper, Fiji Samachar, Hindi aur English me chhaape ke suruu karis. Ii newspaper ke Publisher aur Editor Ram Singh aur Vishnu Deo rahin. Reverend A. W. MacMillan, India se aais aur ek monthly newspaper called, Bharat Putra ke suruu karis jisme ke newsa sarkari newspaper Raj Doot se lewa gais rahaa. Indian Reform League ke suruu karaa gais, jab Suva Y.M.C.A. Hindustani log ke le se manaa kar diis. Iske suruu kare waale parrha likha Hindustani aur Sarkari clerk rahin, jaise ki M. S. Buksh, Santa Singh Chowla, John F. Grant, Ilahi Ramzan, aur R. N. Deoki. Sewak Masih, jon ki Toorak Boys School ke teacher rahaa, ke leadership ke niche Methodist Teachers Association ke suruu karaa gais. Iske member jaada kar ke Suva and Rewa ke rahin. 30 January – Fiji ke hindustani log ek meeting kar ke Residential Tax ordinance (poll-tax) jisse sab admii log, jon 18 se 60 saal ke umar ke rahin, pe ek pound ($2) ke tax lagaawa gais rahaa. 12 July – New South Wales ke Methodist Church, paisa batore ke suruu karis jisse Ba me Hindustani aurat ke khatir ek aspataal banaawa jaae sake. Ii aspataal maternity aur general hospital ke saathe Hindustani midwives aur nurses ke train karii December – Suva ke aas paas ke Sikh log, Guru Nanak ke birthday, Samabula me banaa nawaa Gurudwara me celebrate karin. Iske agwai Kuldeep Singh karis rahaa. 20 December – S. S. Sutlej repatriated Hindustani log ke lae ke India khatir chhorris, jisme se 588 Calcutta me aur 464 Madras me utrin. Saal bhar me 1,022 Hindustani log ke repatriate karaa gais. Pahile waala saal: 1908 1909 1910 1911 1912 1913 1914 1915 1916 1917 1920 1921 1923

Aaj ke khaas chhaapa Naura (scientific naam: Helogale parvula), ek chhota gos khaae waala janwar hai. Iske English naam, mangoose, Marathi sabd, mangus, se aais hai. Naura, Asia, Africa aur Southern Europe ke native hai, lekin iske Caribbean aur Fiji me introduce karaa gais hai. Naura, kirwa, kekrra, earthworm, bustuina, saamp, murgi aur chuha khaae hai. Naura ke kuchh species jaharila saamp ke bhi maare sake hai Pahile ke featured article: Fiji Crested Iguana — Medhak — Bougainvillea

Duusra bhasa 100,000 + English  •  Català (Catalan)  •  Česká (Czech)  •  中文 (Chinese)  •  Dansk (Danish)  •  Deutsch (German)  •  Español (Spanish)  •  Esperanto  •  Français (French)  •  Italiano (Italian)  •  Magyar (Hungarian)  •  日本語 (Japanese)  •  Nederlands (Dutch)  •  Norsk (Norwegian Bokmål)  •  Polski (Polish)  •  Português (Portuguese)  •  Русский (Russian)  •  Română (Romanian)  •  Slovenčina (Slovak)  •  Suomi (Finnish)  •  Svenska (Swedish)  •  Türkçe (Turkish)  •  Українська (Ukrainian) 20,000 + العربية (Arabic)  •  Български (Bulgarian)  •  Bosanski (Bosnian)  •  Cymraeg (Welsh)  •  Ελληνικά (Greek)  •  Eesti (Estonian)  •  Euskara (Basque)  •  Galego (Galician)  •  עברית (Hebrew)  •  हिन्दी (Hindi)  •  Hrvatski (Croatian)  •  Bahasa Indonesia (Indonesian)  •  Íslenska (Icelandic)  •  한국어 (Korean)  •  Latina (Latin)  •  Lëtzebuergesch (Luxembourgish)  •  Lietuvių (Lithuanian)  •  Македонски (Macedonian)  •  Bahasa Melayu (Malay)  •  Norsk (Norwegian Nynorsk)  •  فارسی (Persian)  •  Shqip (Albanian)  •  Slovenščina (Slovenian)  •  Српски (Serbian)  •  தமிழ் (Tamil)  •  ไทย (Thai)  •  Tiếng Việt (Vietnamese)  •  ქართული (Georgian) 1,000 + Afrikaans  •  Asturianu (Asturian)  •  Беларуская (Belarusian)  •  Kaszëbsczi (Kashubian)  •  Frysk (Western Frisian)  •  Gaeilge (Irish)  •  Interlingua  •  Lojban  •  Kurdî (Kurdish)  •  Kernewek (Cornish)  •  Māori  •  Bân-lâm-gú (Southern Min)  •  Occitan  •  संस्कृत (Sanskrit)  •  Scots  •  Tatarça (Tatar)  •  اردو (Urdu) Walon (Walloon)  •  יידיש (Yiddish)  •  文言 (Classical Chinese) 100 + Nehiyaw (Cree)  •  словѣньскъ (Old Church Slavonic)  •  gutisk (Gothic)  •  ລາວ (Laos) Sab Wikipedia ke suchi – Bhasa khatir ek saathe kaam karo – Nawaa bhasa me Wikipedia suruu karo