Jaamun

Wikipedia se
Hian jaao: navigation, khojo

Jaamun (Syzygium cumini), ek, sab time green rahe waala garam des ke perr hai. Ii fuul waala perr ke palwaar Myrtaceae me se ek hae aur ii India, Pakistan aur Indonesia ke native hai. Iske Jambul, Nerale Hannu, Njaval, Jamblang, Jambolan, Black Plum, Damson Plum, Duhat Plum, Jambolan Plum, Java Plum aur Portuguese Plum ke naam se bhi jaana jaawe hai.

Iske southern aur southeastern Asia ke duusra jagah bhi, jaise ki Philippines, Myanmar, aur Afghanistan me bhi boyaa jaawe hai. Ii perrr ke 1911 me Florida, USA me United States Department of Agriculture introduce karis aur abhi iske Suriname me bhi boyaa jaawe hae. Brazil me, jahaan pe iske India se Portuguese logan introduce karin rahaa, aur ii des bhar me fael gais hae aur iske native chirrya jaise ki thrushes, tanagers aur Great Kiskadee like kare hai. Iske aur scientific naam , jaise ki Syzygium jambolanum, Eugenia cumini aur Eugenia jambolana ke naam se bhi jaana jaawe hae.

Ripe Jamun fruits for Sale in a HAL market in Bangalore

Ii ek jorr se barrhe waala perr hai jon ki 30 m talak uuncha rahe sake hai aur 100 saal se jaada din talak jinda rahe sake hai. Iske gajhin patti achchhaa chhani de hai aur ii dekhe me bhi achchha lage hai. Iske lakrii karraa aur water resistant rahe hai. Ii kaaran se iske railway sleepers aur kuunwa me motors install kare ke khatir kaam me lawa jjawe hai. Iske kabhikabhi furniture aur gaon ke ghar ke banae ke kaam me lawa jaawe hai, lekin isem kaam kare ke kaafi hard rahe hai.

Jamun ke perr ke fuul chhotaa rahe hai sur achchaa mahake hai. Ek aad mahina baad ii fuul green, oblong fal me develop hoe jaawe hai, lekin jab ii pak jaawe hai tab ii pink hoe ke baad chamke waal akaria rang hoe jaawe hai. Iske bia ke Aurvedic medicine me ek dawai ke rakam bhi kaam me lawa jaawe hai. (diabeteske control kare ke khatir, for example[1].), Chinese logan iske pet waala bimari khatir bhi kaam me lawe hai. Iske patti aur bark ke blood pressure aur gingivitis ke control kare khatir bhi kaam me lawa jaawe hai. Wine aur vinegar bhi iske fal se banawa jaawe hai. Isme dher vitamin A aur vitamin C hai..

Jaamun ke Hindustani emigrants logan aur duusra British colonies me lae gaiin hai.[2]

Dharmik Significance[badlo | edit source]

Hindu tradition me Ram jangal ke fal khaae ke 15 saal talak jinda rahaa, jab uske Ayodhya se banwas bhej dewa gais rahaa. Ii kaaran se Hindu logan jaamun ke 'bhawan ke fal' maane hai, jaada kar ke Gujaratme, jahaan pe iske jamboon ke naam se jaana jaawe hai.

Trivia[badlo | edit source]

Jamun ke India se idnetify karaa jaawe hai kahe ki ii India bharme pawa jaae hai aur India ke purana naam "Jambu-Dvipa" rahaa.

References[badlo | edit source]

  1. [1] Article in The Hindu, retrieved June 23 2007
  2. Syzygium cumini