Amazon Naddi

Wikipedia se
Hian jaao: navigation, khojo
Satellite image of the mouth of the Amazon river

Amazon naddi (jiske Spanish aur Portuguese bhasa me Rio Amazonas bolaa jaawe hae, ek naddi hae jon ki South America ke tropical jangle me se flow howe hae. Ii jaada kar ke Brazil me hae aur samundar me jaae ke Atlantic Ocean me nikle hae. II Nile Naddi ke baad me dunia ke duusra sab se lamba nadi hae. Agar jo dekha jaae ki isme se ketna paani flow hoe hae tab ii dunia ke sab se barraa naddi hae. Ii etna lamba hae aur isme etna jor se paani flow hoe hae ki iske uppar se koi pul nai banawa jaae saka hae.

Iske kinare dher city ha, jisme se sab se barraa Manaus hae. Iske samundar se 1500 kilometers bhittar rake par bhi hian talak barraa barraa jahaaj jaawe sake hae. 3000 tons talak ke chhota jahaaj jiske draft 7.9 m (26 feet) talak rahe hae [1] Peru ke Iquitos city talak bhi jaawe sake hae jon ki samundar se 3,700 km (2,300 miles) bhittar hae. Aur chhota boat 780 km (486 mi) aur bhittar talak bhi jaawe sake hae.

References[badlo | edit source]

Duusra websites[badlo | edit source]

Commons-logo.svg
Wikimedia Commons me iske baare me chhaapa hae: