1937 ke election (Fiji)

Wikipedia se
Hian jaao: navigation, khojo

1937 ke election, ek nawaa constitution ke niche bhais rahaa jisse Legislative Council ke sadasya ke number ke barrhae ke 32 kardewa gais rahaa. Ii 1932 ke baad pahila general election rahaa aur ii biich me kuchh gora aur duuno Hindustani sadasya (K. B. Singh aur Muniswamy Mudaliar) bina election waala (jisme sab sadasya ke nominate karaa jaawe) ke maangat rahin.

Council ke banawat[badlo | edit source]

Ii Council me 17 official members (jon ke sarkar ke department ke head rahin) aur tiino jaat khatir paanch paanch member rahaa. Gora aur Hindustani logan khatir tiin member ke chuna jaawat rahaa aur dui ke governor nominate karat rahaa lekin Kaivti logan khatir sab member ke governor nominate karat rahaa ek 10 naam ke suchi me se jiske Council of Chiefs taiyaar karat rahaa.

Vote kare ke adhikaar[badlo | edit source]

Gora[badlo | edit source]

  • Gora ke larrka jon ki English me parrhe aur likhe sake hae.
  • British subject hae chaahe janam nai to naturalisation se.
  • Umar 21 saal nai to jaada
  • Fiji me pichla 12 mahina se rahe hae.
  • Uske lage chaahe, freehold, nai to leasehold hae jiske kiimat £20 se jaada hae, nai to jiske amdani £120 se jaada hae
  • Sarkari kaam nai kare hae.

Election me kharraa hoe ke khatir:

  • Vote kare ke adhikar hoe ke chaahi aur Fiji me dui saal se jaada rahe ke chaahi.
  • Election se 12 mahina pahile uske lage freehold nai to leasehold jamin hoe ki chaaahi jiske size 500 acres rahe, nai to lease karaa gais jamiin pe £100 ke poot bhare hai, nai to jiske amdani £200 se jaada hae.

Hindustani[badlo | edit source]

  • Mai aur baap Hindustani hae
  • Umar 21 saal nai to jaada
  • British subject nai ti India ke native hae
  • Fiji me pichla dui saal se rahe hae.
  • Ii sab me se koi bhasa me likhe aur parrhe sake hae: English, Hindi, Urdu, Tamil, Telugu, Gurmukhi, Gujarati.
  • Electoral roll ke band hoe se 6 mahina pahile lease rahaa five pounds se jaada, nai to amdani seventy-five pounds se jaada nait to ek uske lage ek licence hae jiske kimat five pounds se jaada hae.

Ii election me aurat aur sarkari majuur nai vote kare sakat rahin.

Election ke result[badlo | edit source]

North Western Indian Constituency[badlo | edit source]

Chattur Singh

Ii constitency ke khatir, Vishnu Deo ke party, A. D. Patel ke nominate karis, jon ki 1929 ke election me kharraa nai hoe sakis rahaa kahe ki Patel uu time tak dui saal se kamti din tak Fiji me rahaa. Parmanand Singh ke barraa bhaiya, Chandrasenan Chattur Singh bhi ii seat khatir kharraa bahis. Sab koi sochat rahin ki Patel, Singh, jon ki khali ek wakiil ke babu rahaa, ke sahaj me harae dei lekin Singh ii election ke Fiji-born versus India-born kar diis aur aapan Ba ke background ke kaamme laae ke jiit gais.

Election ke result rahaa:

Chandrasenan Chattur Singh 671
A. D. Patel 651
Informal 66
Total 1388

Southern Indian Constituency[badlo | edit source]

Vishnu Deo

Ii constitency se Vishnu Deo jiit gais.

Eastern Indian Constitency[badlo | edit source]

Ii election me J. B. Tularam Channa Bhai Patel ke 14 votes se harais. [1]

Nominated Sadasya[badlo | edit source]

Election ke baad, governot K. B. Singh aur Said Hasan ke nominated member banais.

References[badlo | edit source]

  1. Guru Dayal Sharma, Memories of Fiji: 1887 - 1987, Guru Dayal Sharma, Suva, Fiji, 1987, pp 94, 112