Japanese bhasa

Japanese calligraphy. It says Nihongo, which means "Japanese."

Japanese (日本語) "Nihon-go" or "Nippon-go" Japanese me) ek bhasa hai jiske Japan me spoken bola jaae hai. Kuchh log soche hai ki Japanese, Mongolian, aur Turkish, Altaic languages ke bhasa se ais hai.

English me, sabd ke order bahut imporant hai. Jaise ki, sentences me "Is it?" aur "It is." ke different matlab rahe hai. Japanese me ii differences ke sabd ke ending ke badle se hoe hai. Tab Japanese sabd me ek stem rahe hai jiske "body" bola jaae hai, aur duusra bhaag jiske "suffixes" bola jaae hai. Suffix ke badle se sabd ke matlab badla jaae sake hai.

Japanese me paanch vowel sound hai jiske dui different lambaii rahe sake hai. Ii hai ah, ee, oo, eh, aur o. Vowel ke lamba kare se sabd ke matlab badla jaae hai: jaise ki ojisan (おじさん, uncle) aur ojiisan (おじいさん, grandfather). Japanese me ek sound hai jon ki English ke "L" sound ke rakam hai, lekin English "R" sound ke rakam bi hai. (Ii kaaran se dher Japanese logan ke duuno "L" aur "R" sound bole me difficullty hoe hai, jab uu logan English me baat kare hai.) Japanese me ek sound hai jon ki English me common nai hai aur jon ki Tsu likha jaae hai. Iske alawa, "o" aur "u" chhotaa nai to lambaa rahe sake hai. Jaise ki, benkyousuru （べんきょうする）(parrho).

Japanese me, verb, sentence ke end me rahe hai, aur subject suruu me rahe hai. Bahut sentences me koi bhi subject nai rahe hai. Sune waala subject ke anumaan aur verb ke form se work out kare sake hai.

Japanese me Japan ke Nihon (日本) bola jaae hai, aur Japanese language ke Nihongo (日本語) (-go ke matlab language hai). Nihongo ke matlab bhi Japanese hai. Kabhi kabhi Nippon aur Nippongo sabd ke bhi kam me lawa jae hai lekin aaj kal ii sabd ke jaada nationalist socha jaae hai, jab ki Nihon jaada neutral sabd hai. Ii sabd ke kanji characters ke matlab "sun-root" hai, jiske kaaran hai ki Japan ke "The Land of Rising Sun" bola jaae hai.

Likhe ke dhang

Japanese bhasa tiin writing system ke use kare hai. Pahila dui hai hiragana (ひらがな) aur katakana (カタカナ). Hiragana ke Japan ke sabd ke likhe me use karaa jaae hai. Katakana ke jaada kar ke sound effects likhe khatir aur uu sabd ke likhe khatir jon ki Japan ke baaahar se aais hai, ke khatir use araa jaae hai. Duuno writing system me symbols use karaa jaae hai jiske matlab ek syllable hai. Katakana ke straighter edges aur sharper corners rahe hai. Hiragana me jaada curves rahe hai.

Japanese likhe ke ek tiisra dhang bhi hai, jiske kanji (漢字) bola jaae hai, jisme har ek sabd ke ek chapa hai jon ki Chinese bhasa se aai s hai. Japanese parrhe ke khatir, students ke 2,000 kanji sikhe ke parre hai. Dher kanji ke chhotaa kanji se banawa gais hai.

Likha gais Japanese me sabd ke biich me koi space nai rahe hai, aur kanji sabd ke sentence me separate kare me madat kae hai.

Japanese ke dui rakam se likha jaae hai:

1. Left se right, aur panna ke uppar se niche (English bhasa ke rakam).
2. Top se bottom, aur aur panna ke right se left.

Japanese me sentences ke ii rakam banawa jaae hai: subject, object, verb. Jaise ki, Aaj ham aapul khaya (今日、私はりんごを食べました).

Examples

Niche kuchh Japanese sabd ke example hai :

• 私 (わたし) (watashi) Ham
• 人 (ひと) (hito) : log
• 女 (おんな) (onna) : aurat
• 男 (おとこ) (otoko) : admi
• 本　（ほん）　（hon）　：　book
• 水 (みず) (mizu) : Paani
• こんにちは (konnichiwa) : kaise (during the middle of the day or afternoon)
• さようなら (sayonara) : goodbye
• はい (hai) : haan
• いいえ (iie) : nai

Japanese me ginti

Number Japanese me	Number Fiji Hindi me
ichi	ek
ni	dui
san	tiin
shi	chaar
go	paanch
roku	chhe
shichi	saat
ku	aath
nu	nau
juu	das

Aur websites

Wikipedia  Ii bhasa ke aapan Wikipedia  hai. Japanese bhasa edition   ke dekho

• Japanese Online Dictionary
• Japanese Wikibook (learn Japanese)
• Japanese Wikipedia
• Japanese dictionary
• List of Japanese Kanji characters
• Kana Copybook (PDF)