Pahila Panna

Fiji Hindi Wikipedia Ii ek free jankari de waala Encyclopedia hae Isme koi bhi likhe sake hae Fiji Hindi Wikipedia me abhi 10,972 article hae.

Index:    1 2 3 4 5 6 7 8 9 A B C D E F G H I J K L M N O P Q R S T U V W X Y Z Vibhag Fiji     Fiji ke Hindustani     Fiji me football     Girmit     Parrhai likhai     Dunia ke des    Dunia ke log     Dunia ke itihass     Science aur technology      Jaruri article

Fiji Hindi Wiktionary

Aaj ke featured article Ba Football Association ke team, Fiji Football Association ke Super Premier Division ke ek team hai. Ii team Ba district ke hai aur iske home ground Govind Park hai. Team ke uniform karia sat, ujjar shorts aur ujjar moja hai aur ii team ke "Men in Black" bhi bola jaae hai. Ba team 21 dafe Inter-District Championship (IDC) jiitis hai, aur jab ii dhyan me rakkha jaae ke Ba, pahila dafe IDC ke khaali 1961 me jiitis rahaa, tab ii dekhae hai ki pichhle 50 saal me Ba, Fiji ke football ke sab team ke milaam me ketna achchhaa team hae. Ba aur tournament ke bhi aur sab team ke mukable me jaada dafe jiitis hais, jaise ki National Football League ke 32 me se 14 dafe, Battle of the Giants (BOG) ke 31 me se 11 dafe, Fiji Football Association Cup Tournament (FACT) ke 18 me se 7 dafe aur Champion versus Champion (CVC) ke 17 me se 15 dafe jiitis hai. Ba Football Association 1935 me suruu bhais aur, 1938 me Fiji Indian Football suruu kare waala ek district rahaa. 1960 se Ba team ke safalta ke kaaran uske coach, Sashi Mahendra Singh, rahaa. (aur...) Aap janta hai... Ratu Cakobau 1875 ke measles epidemic, jisme 20% Kaiviti logan mar gae rahin, ke Fiji me failae waala, Ratu Cakobau aur uske dui larrka logan rahin jon ki March 1875 me Sydney se ghuum ke lauta rahin. 1879 se lae ke 1916 tak, 42 jahaaj, 87 trip me 60,553 girmitya logan ke lae ke Fiji se aais rahaa. Isme se 45,439 log Calcutta se aur 15,114 log Madras se jahaaj me charrhin rahaa. Fiji ke Legislative Council ke pahila Hindustani member Badri Maharaj rahaa, jiske Governor nominate karis rahaa aur jon 1917 - 1923 aur 1926 - 1929 tak Council ke member rahaa. Fiji me pahila football competition Nasau Park, Levuka me 1924 me, Cession ke golden jublee celebrate kare ke time, chhe Kaiviti team ke biich me Ricarnie Cup khatir, khela gais rahaa. Fiji ke Hindustani ke army me join kare ke khatir, 1934 me Indian Platoon banawa gais rahaa lekin iske 1940 me disband kar dewa gais rahaa. Royal Air Force ke khatir fighter plane kharide ke khatir, 1943 me ek Fighter Fund suruu karaa gais rahaa, aur ii paisa se nau fighter aur paanch bomber kharida gais rahaa. Ek fighter ke naam Fiji Indian Fighter rahaa. Fiji Trade Union Congress se pahile Ami Chandra, 1950s me Fiji Industrial Workers Congress suruu karis rahaa. Fiji ke 1997 ke constitution me English aur Kaiviti ke saathe Hindustani ke Fiji ke official language banawa gais rahaa. Archive

Taaja khabar Frank Bainimarama 6 February 2024 – Fiji ke pichhlaa Prime Minister, Frank Bainimarama, Attorney General, Aiyaz Sayed-Khaiyum aur Health Minister, Neil Sharma ke arrest kar ke raat bhar jail me rakkhaa gais rahaa. Duusre din tiino ke "Abuse of Office" ke khatir charge kar ke bail pe chhorr diya gais. 19 November 2023 - Fiji ke Sikh samaj, Samabula, Suva me Sikh Gurudwara ke founding ke 100th anniversary celebrate karin. 16 November 2023 - Professor Rajesh Chandra, jon ki University of Fiji aur University of the South Pacific ke Vice Chancellor rahaa, ke maut hoe gais. Gaza−Israel conflict 7 October 2023 - Hamas ke atanki Israeli ilaaka me hmalaa karis, jisame 1,400 log ke maut hoe gais aur 200 se jaada ke kidnap kar lewa gais. Israel iske 'state of war' declare kar diis. 3 October 2023 - Nepal me 6.2 magnitude ke bhukamp (earthquake) aya, ii ke asar New Delhi, India me bhi bhais rahaa. 2011 ke Archive Aaj se sau saal pahile, 1911 me... Fiji ke sarkar ii faisla karis ki Hindustani basti ke khaali Fiji ke settled districts me banawa jaae. Tavua ke Koro No. 1 me ek 588 bigha ke Hindustani basti ke banawa gais. British Indian Association of Fiji ke banawa gais jisme khaas haanth J. P. Maharaj, Totaram Sanadhya, Ram Singh aur Ram Rup ke rahaa. Fiji ke Hindustani log ke uppar 10 shilling ke Hut Tax lagawa gais. 2 April - Fiji me 4th census lewa gais, jiske anusaar 139,541 ke population me se 40,286 Hindustani rahin. 22 May - Mutlah Jahaaj, 834 girmitya logan ke lae ke, pahila dafe Fiji aais. 25 June – Sutlej Jahaaj, 850 girmitya logan ke lae ke, pahila dafe Fiji aais. 22 July – Ganges Jahaaj, 860 girmitya logan ke lae ke, pahila dafe Fiji aais. 18 August - Mutlah Jahaaj, 863 girmitya logan ke lae ke duusra dafe Fiji aais. 4 October – Sutlej Jahaaj, 811 girmitya logan ke lae ke, duusra dafe Fiji aais. Saal ke khalaas hoe talak, Fiji me 44,220 Hindustani rahin, jisme se 14,462 girmit ke niche rahin. Ii saal me 4,204 girmitya logan ke Fiji lawa gais rahaa, jisme se 2,233, Calcutta se, aur 1,971, Madras se aawe rahin. 708 gimitya logan India laut gae rahin.

Aaj ke featured chapa Tagimoucia (pronounced:tahng-ee-mo-thee-ya), (Scientific name: medinilla waterhousei), Fiji ke national fuul hai, jon ki ek faile waala paudha me laal rang ke fuul, jiske biich ujjar hai, ke fuul hai. Iske chapa ke Fiji ke dher postage stamp me rakkha gais hai. Ii fuul ke khali Taveuni ke Mount Uluigalau ke uppar volcanic cratar se banaa talao ke kinare pawa jaae hai. Bahut kosis kare par bhi iske aur koi jagah nai jamawa jae sakaa hai. Kaiviti log batae hai ki ii fuul ek larrki, jon ki fuul ke vine me fas gais rahaa, ke aansu se banaa hai. Iske baare me aur khissa bhi hai lekin Kaviviti me iske naam ke matlab hai: "niind me ro" Pahile ke featured article: Hibiscus — Ongo —Kawakawa

Duusra bhasa 100,000 + English  •  Català (Catalan)  •  Česká (Czech)  •  中文 (Chinese)  •  Dansk (Danish)  •  Deutsch (German)  •  Español (Spanish)  •  Esperanto  •  Français (French)  •  Italiano (Italian)  •  Magyar (Hungarian)  •  日本語 (Japanese)  •  Nederlands (Dutch)  •  Norsk (Norwegian Bokmål)  •  Polski (Polish)  •  Português (Portuguese)  •  Русский (Russian)  •  Română (Romanian)  •  Slovenčina (Slovak)  •  Suomi (Finnish)  •  Svenska (Swedish)  •  Türkçe (Turkish)  •  Українська (Ukrainian) 20,000 + العربية (Arabic)  •  Български (Bulgarian)  •  Bosanski (Bosnian)  •  Cymraeg (Welsh)  •  Ελληνικά (Greek)  •  Eesti (Estonian)  •  Euskara (Basque)  •  Galego (Galician)  •  עברית (Hebrew)  •  हिन्दी (Hindi)  •  Hrvatski (Croatian)  •  Bahasa Indonesia (Indonesian)  •  Íslenska (Icelandic)  •  한국어 (Korean)  •  Latina (Latin)  •  Lëtzebuergesch (Luxembourgish)  •  Lietuvių (Lithuanian)  •  Македонски (Macedonian)  •  Bahasa Melayu (Malay)  •  Norsk (Norwegian Nynorsk)  •  فارسی (Persian)  •  Shqip (Albanian)  •  Slovenščina (Slovenian)  •  Српски (Serbian)  •  தமிழ் (Tamil)  •  ไทย (Thai)  •  Tiếng Việt (Vietnamese)  •  ქართული (Georgian) 1,000 + Afrikaans  •  Asturianu (Asturian)  •  Беларуская (Belarusian)  •  Kaszëbsczi (Kashubian)  •  Frysk (Western Frisian)  •  Gaeilge (Irish)  •  Interlingua  •  Lojban  •  Kurdî (Kurdish)  •  Kernewek (Cornish)  •  Māori  •  Bân-lâm-gú (Southern Min)  •  Occitan  •  संस्कृत (Sanskrit)  •  Scots  •  Tatarça (Tatar)  •  اردو (Urdu) Walon (Walloon)  •  יידיש (Yiddish)  •  文言 (Classical Chinese) 100 + Nehiyaw (Cree)  •  словѣньскъ (Old Church Slavonic)  •  gutisk (Gothic)  •  ລາວ (Laos) Sab Wikipedia ke suchi – Bhasa khatir ek saathe kaam karo – Nawaa bhasa me Wikipedia suruu karo