Le Corbusier

Charles-Édouard Jeanneret-Gris Le Corbusier
Le Corbusier ke chapa 1933 me
Personal information
Naam	Charles-Édouard Jeanneret-Gris Le Corbusier
Nationality	Swiss / French
Janam ke taarik	6 October 1887
Janam ke jagah	La Chaux-de-Fonds, Switzerland
Maut ke taarik	27 August 1965
Maut ke jagah	Roquebrune-Cap-Martin, France
Work
Significant buildings	Villa Savoye

Charles-Edouard Jeanneret-Gris (janam ke naam), (6 October 1887 – 27 August 1965), jiske jaada kar ke Le Corbusier ke naam se jaana jaawat rahaa ek architect aur writer rahaa, jiske janam Switzerland me bhaes rahaa. 1930s me uu ek French citizen ban gais rahaa. Uu Modern Architecture ke theory khatir jaana jaawe hae. Uske irada barraa barraa city me housing ke sudhare ke rahaa, kahe ki bahut log uu time pe garibi me rahat rahin. Uske design ke dunia bhar me use karaa gais hae.

Uu painting kare bhi like karat rahaa aur furniture ke bhi design karat rahaa.

Bachpan ke din

Le Corbusier, La Chaux-de-Fonds, jon ki north Switzerland ke ek chhotaa town hae me paida bhaes rahaa. 1907 me, 19 saal ke umar me, uu Paris chalaa gais. Uu Europe bhar ghumis aur nawaa idea paais. Uu German me bhi baat kare ssakat rahaa aur kuchh famous architects ke ssathe kaam karis.

The World War

World War I ke time, uu Switzerland laut ke ek teacher ban gais. Kuch din baad uu aapan ek cousin ke saathe ek architectural business kholis, jisme uu 1940 talak kaam karis. 1918 me uu painter, Amédée Ozenfant, ke milis rahaa, jon ki uske dost hoe gais. Uu duuno log aapan idea ke jorr ke ek nawaa rakam ke art, jiske Purism bolaa jaawe hae, ke suruu karin.

World War ke baad

Larrai ke baad, Le Corbusier aapan art me 1922 talak dhyan diis. Iske baad uu apartments, jiske ek ke uppar ek kar ke banawa jae sakat rahaa, ke design kare lagaa. Ii rakam ke design se uu Paris ke housing ke kamii ke khalaas kare maangat rahaa. Uu ek ideal city, (Ville Contemporaine) ke design karis, lekin iske banawa nai jaawe sakaa. Uu Chandigargh, India me dher building ke design karis rahaa.

1930s

Le Corbusier capitalism ke nai like karat rahaa, aur ii biswas karat rahaa ki logan ke ghar ke size uske family ke size ke uppar depend hoe ke chaahi, uske paisa ke uppar nai.

Baad ke jindagi

Le Corbusier, 1942 ke baad politics ke chhorr ke France khatir chotaa chhotaa unit banae lagaa.

Uske naam

Le Corbusier, naam French me uske aaji ke surname, Lecorbésier se aais hae. Iske matlab English me "the crow like one" hae. Uu ii naam ke 1920 me chunis rahaa.

Chapa ke gallery

• 
  Chandigarh, India me Open Hand Monument
• 
  Tokyo, Japan me National Museum of Western Art
• 
  Le Corbusier Museum, Zurich me
• 
  La Chaux-de-Fonds