Leonidas (jahaaj)

Girmit Jahaaj Leonidas

Jahaaj ke number:	1
Jahaaj ke banawat:	Sailing Ship
Fiji pahuche ke taarik:	15 May 1879
Immigration pass ke number:	1 - 463
Jahaaj me etna girmitya rahin:	463
Jaane maane girmitya:

Leonidas, jiske naam Sparta ke raja se aais rahaa, pahila jahaaj rahaa jisme girmitya logan ke India se Fiji lawa gais rahaa. Isse pahile ii jahaaj West Indies me girmitya log ke laijae ke khatir kaam me lawa jawat rahaa. Leonidas 3 March 1879 ke Calcutta chorris aur 72 din baad, 15 May 1879, ke Levuka pahuchis. Jahaaj me kul jorr 498 passenger rahin jisme 273 admi, 146 aurat aur 79 larrkan rahin.

Jahaaj me bemaari

Jab Leonidas ke Calcutta chorre ke khali tiin din bhais rahaa tab kuch girmitya log ke haeja (cholera) aur kuch ke maata (smallpox) pakarr liis. Surgeon Superintendent ke kosis ke bawajuut satrah log mar gain. Jab ki Levuka me quarantine station nahi rahaa tab jahaaj ke duur anchor kara gais aur khana aur chitthi ke fumigate kar ke boat se lawa jaat raha.

Quarantine

Yanuca Lailai ke quarantine station banawa gais. Huan par khali 350 jan ke rahe ke khatir ghar rahaa. Chhe roj me aur fuus ke ghar banaae ke girmitya logan ke ii island me lawa gais. Hian par bhi pandrah aur log ke maut dysentery, diarrhoea aur typhoid se bhais. 9 August 1879 ke girmitya logan ke quarantine se chhorra gais.

External links

• Leonidas ke foto

References

• K. L. Gillion, Fiji's Indian Migrants, p. 212, Oxford University Press, London, 1962, ISBN 0-19550-452-6

	Girmit waala jahaaj
Leonidas	Berar	Poonah I	Poonah II	Bayard	Syria	Howrah	Pericles	S.S. Newnham	Main
Ganges I	Boyne	Bruce	Hereford I	Moy I	Rhone I	Allanshaw	Danube	Jumna I	British Peer
Avon I	Hereford II	Moy II	Jumna II	Ems I	Hereford III	S.S. Vadala	S.S. Virawa I	Erne	Elbe I
Rhone II	Clyde	Moy III	Avon II	Ganges II	Ganges III	Elbe II	Arno I	Rhine	S.S. Fazilka I
S.S. Fultala I	S.S. Fazilka II	S.S. Virawa II	S.S. Fazilka III	Mersey	Elbe III	Arno II	Arno III	Ems II	S.S. Fultala II
S.S. Virawa III	S.S. Wardha I	S.S. Fultala III	S.S. Fazilka IV	S.S. Fultala IV	S.S. Wardha II	S.S. Fazilka V	S.S. Virawa IV	S.S. Fazilka VI	S.S. Sangola I
S.S. Sangola II	S.S. Sangola III	S.S. Sangola IV	S.S. Sangola V	S.S. Santhia I	S.S. Sangola VI	S.S. Santhia II	S.S. Mutlah I	S.S. Sutlej I	S.S. Ganges I
S.S. Mutlah II	S.S. Sutlej II	S.S. Sutlej III	S.S. Indus	S.S. Ganges II	S.S. Ganges III	S.S. Ganges IV	S.S. Sutlej IV	S.S. Ganges V	S.S. Ganges VI
S.S. Chenab I	S.S. Chenab II	S.S. Mutlah III	S.S. Ganges VII	S.S. Mutlah IV	S.S. Chenab III	S.S. Sutlej V