Vashist Muni: ke revisions ke biich ke antar

	Fiji ke Hindustani; Leader
	Totaram Sanadhya; Manilal Doctor; Vashist Muni; Badri Maharaj; Vishnu Deo; Pandit Ami Chandra; A. D. Patel; Ayodhya Prasad; Muhammed Twahir Khan; Sadhu Kuppuswami; Swami Rudrananda; B. D. Lakshman; M. N. Naidu; S. M. Koya; Vijay R. Singh; Jai Ram Reddy; Harish Sharma; Mahendra Chaudhry; Dr M.S. Sahu Khan;
	Politician; (1929-1971)
	Politician; (1972-1987)
	Politician; (1992-1998)
	Politician; (1999-2006)
	Political Activist
	Khilaarri

Browse history interactively

← Purana badlao Nawaa badlao →

17:37, 26 Mai 2008 ke badlao

Sadhu Vashist Muni ek Hindu parcharrak rahaa jon ki India se Fiji aais rahaa. Uu Fiji me famous bhay jab 1921 me uu Fiji ke Western District me kisan aur majduur ke harrtaal ke leader banaa. Uu Fiji ek saal se bhi kamti time (May 1920 – March 1921) tak rahis lekin admi log aur government uske baare be bahut kuch jaane nahi paais. Bola jae hai ke uu derr jagha ek time pahuch jaat rahaa. Uske government deport kar this ii bol ke ki uu Gandhi ke agent hai. Uske deport kare ke baad, Suva ke Government House bijli gire ke kaaran jar gais aur janata log sochin ke uske paas bahut power rahaa.

Background

Vashist Muni ke janam Banaras, India me 1888 me bhay rahaa aur uu ek sanatani rahaa jon ke Hindi aur English achchha se baat karat rahaa. 23 March 1919 ke uu Calcutta choris aur Australia se hoe ke Fiji 14 May 1920 me pahuchis. Uske murr chilaan rahaa aur uu light orange ke kaprra pahinat rahaa aur ek pink chata carry karat rahaa. Jab uu Fiji pahucha tab Fiji ke Hindustani log uske khusi se swagat karin aur kuch logan uske Vishnu ke autar sochin.

Activities in Fiji

Educationist and Missionary

Suruu me uu sikchha ke kaam karis jon jon jagha me jaada Hindustani log rahat rahin aur Lautoka me ek school ke roll double kar this rahaa. Uu Navua me ek school banais, jahaan par larrka log ke Hindi sikhawa jaat rahaa kaheki uu mangat rahaa ki Hindustani log aapan heritage par proud rahe. Uu nai mangat raha ki Hindustani log Christian school parre. Uu duusra school ke book daan karis aur batais ki you dharmic admi hai. November 1920 me government uske non-political kaam ke baare me jaanis aur mangat rahaa usse baat kare lekin mauka nahi lagaa.

Jab ki uu Hindustani log ke prastithi ke baare me jaanat rahaa uu khule bolis ki uu kanuni mangat rahaa Hindustani log ke madat kare. Uu nahi mangat rahaa ke Hindustani log India laut jae jaise ke kuch aur Hindustani leader log mangat rahin. Fiji ke government ke suspician rahaa ki Vashist Muni Gandhi ke jasuus raha aur civil servants ke batawa gae rahaa ki uske uppar report kare.

1921 ke harrtaal

Jab ki Viti Levu ke western district ke majduur log ke N. B. Mitter organise karis rahaa, lekin jon harrtall 11 February 1921 ke roj Ba me suruu bhae uu apne se suruu hoe gae. Dhire dhire harrtaal sab western district me fael gay aur ekdam peaceful rahaa.

Deportation

20 March 1921 ke jab uu Tavua me ak meeting karat rahaa tab Lautoka balawa gae ii batae ke ki government usse baat kare mange hai. Uske jahaaj me Suva lae jawa gae aur 23 March 1921 me deport kar dewa gae. Jon roj uske deport karaa gae uu roj Suva ke Government House bijli gire ke kaaran jar gae aur jon jahaaj me uske Suva lae jawa gae uu reef pe charr gae.

Return to India

Uske deport kare ke kaaran harrtaal khalaas nahi bhae lekin che mahina aur chalaa. Baad me Vashist Muni Calcutta ke depot me purana girmitya log ke Fiji jae se roke ke kosis karis. Uu Calcutta me bhuk harrtaal karis aur khule C.F. Andrews ke sarapis jiske uu arkathi bhi bolis. Uske safalta nahi mila kahe ki Andrews Indian government ke indenture systen band karwais.

References

1. Sharma, Guru Dayal (1987), Memories of Fiji: 1887–1987, Guru Dayal Sharma, Suva, Fiji, pp. 48–49. 2. Gillion, K. L. (1977), The Fiji Indians: Chllenge to European dominance 1920-1946, Canberra, Australia: Australian National University Press, pp. 53-59. ISBN 0-70811-291-9.