Pahila Panna

Fiji Hindi Wikipedia Ii ek free jankari de waala Encyclopedia hai Isme koi bhi likhe sake hai Fiji Hindi Wikipedia me abhi 10,972 article hai

Index:    1 2 3 4 5 6 7 8 9 A B C D E F G H I J K L M N O P Q R S T U V W X Y Z Vibhag Bhasa    Fiji     Fiji ke Hindustani     Khel kuud     Dharam aur sanskriti     Parrhai likhai    Dunia ke des    Dunia ke log     Dunia ke itihass     Science aur technology      Jaruri article

Fiji Hindi Wiktionary

Aaj ke featured article Subhas Chandra Bose (23 January 1897 - 18 August 1945), Bharat ke Swatantrata Sangram Senanai (freedom fighter) rahe jinhone Angrej (Britishers) ke kkilaaf sashastra andolan kie rahe.Subhas, Netaji ke naam see bhi jane jaate rahe. Uu 1938 se 1939 tak Indian National Congress (INC) ke president rahe. Unhone World War II ke douraan India se British rule khatm karane ke kosis kiyaa rahaa.23 January 1897 ko inka janm Cuttack aur plane crash me 18 August 1945, Taiwan me mrityu ho gais. Unhone 'Jai Hind' (जय हिन्द) aur 'Tum mujhe khoon do mai tumbhe aajaadi dunga' (तुम मुझे खून दो और मैं तुम्हें आजादी दूंगा) ke Naara diya raha. (aur...) Aap janta hai... Ratu Cakobau 1875 ke measles epidemic, jisme 20% Kaiviti logan mar gae rahin, ke Fiji me failae waala, Ratu Cakobau aur uske dui larrka logan rahin jon ki March 1875 me Sydney se ghuum ke lauta rahin. 1879 se lae ke 1916 tak, 42 jahaaj, 87 trip me 60,553 girmitya logan ke lae ke Fiji se aais rahaa. Isme se 45,439 log Calcutta se aur 15,114 log Madras se jahaaj me charrhin rahaa. Fiji ke Legislative Council ke pahila Hindustani member Badri Maharaj rahaa, jiske Governor nominate karis rahaa aur jon 1917 - 1923 aur 1926 - 1929 tak Council ke member rahaa. Fiji me pahila football competition Nasau Park, Levuka me 1924 me, Cession ke golden jublee celebrate kare ke time, chhe Kaiviti team ke biich me Ricarnie Cup khatir, khela gais rahaa. Fiji ke Hindustani ke army me join kare ke khatir, 1934 me Indian Platoon banawa gais rahaa lekin iske 1940 me disband kar dewa gais rahaa. Royal Air Force ke khatir fighter plane kharide ke khatir, 1943 me ek Fighter Fund suruu karaa gais rahaa, aur ii paisa se nau fighter aur paanch bomber kharida gais rahaa. Ek fighter ke naam Fiji Indian Fighter rahaa. Fiji Trade Union Congress se pahile Ami Chandra, 1950s me Fiji Industrial Workers Congress suruu karis rahaa. Fiji ke 1997 ke constitution me English aur Kaiviti ke saathe Hindustani ke Fiji ke official language banawa gais rahaa. Archive

Taaja khabar Frank Bainimarama 6 February 2024 – Fiji ke pichhlaa Prime Minister, Frank Bainimarama, Attorney General, Aiyaz Sayed-Khaiyum aur Health Minister, Neil Sharma ke arrest kar ke raat bhar jail me rakkhaa gais rahaa. Duusre din tiino ke "Abuse of Office" ke khatir charge kar ke bail pe chhorr diya gais. 19 November 2023 - Fiji ke Sikh samaj, Samabula, Suva me Sikh Gurudwara ke founding ke 100th anniversary celebrate karin. 16 November 2023 - Professor Rajesh Chandra, jon ki University of Fiji aur University of the South Pacific ke Vice Chancellor rahaa, ke maut hoe gais. Gaza−Israel conflict 7 October 2023 - Hamas ke atanki Israeli ilaaka me hmalaa karis, jisame 1,400 log ke maut hoe gais aur 200 se jaada ke kidnap kar lewa gais. Israel iske 'state of war' declare kar diis. 3 October 2023 - Nepal me 6.2 magnitude ke bhukamp (earthquake) aya, ii ke asar New Delhi, India me bhi bhais rahaa. Archive Aaj se sau saal pahile, 1908 me... January - Fiji ke Cricket team Australia ke tour pe gais rahaa. Ii team Queensland se, ek dui-din ke match me draw karis rahaa aur Pope Cakobau saat wicket liis rahaa. 18 March -Sangola jahaaj pahila dafe 1131 girmitya logan ke lae ke Fiji pahucha. 23 March aur 10 April - Fiji me chhe gora member chune ke khatir Legislative Council ke election bhais. Dui Kaiviti member ke bhi nominate karaa gais lekin koi Hindustani ke Council me seat nahi milaa. 6 June -Sangola jahaaj duusra dafe 1085 girmitya logan ke lae ke Fiji pahucha. July - Hannah Dudley tiin saal tak India me rahe ke baad Fiji fir se laut aais. 21 December - Ratu Edward Cakobau, Kaiviti chief aur 1970 se lae ke 1973 tak, deputy Prime Minister ke janam Bau me bhae rahaa (maut: 25 June 1973)

Aaj ke featured chapa Hibiscus, ek rakam ke fuul waala perr hai jon ki Fiji me sab jagah pe hoe hai. Lag bhag 200 species ke hibuscus hai, lekin Fiji me sab se common hae laal hibiscus (Hibiscus rosa-sinensis) aur ii India se dunia bhar faela hai. Ii biswas karaa jaae hai ki, iske extract ke murr me lagae se baar kamti giri aur rusi bhi kamti hoe jaai. Hibiscus ke ek species South Korea ke national flower aur duusra, Malaysia ke national flower hai. Fiji me Hibiscus ke hedge banae khatir kaam me lawa jaae hai aur Suva me ek carnival ke naam ii fuul ke baad, Hibiscus Festival, rakkha gais hai. Pahile ke featured article: Ongo —Kawakawa —Kawango