Vincent van Gogh

Wikipedia se
Vincent van Gogh

Self-portrait (1887), Art Institute of Chicago
Birth nameVincent Willem van Gogh
Born 30 March 1853
Zundert, The Netherlands
Died 29 July 1890
Auvers-sur-Oise, France
Nationality Dutch
Field Painter
Movement Post-Impressionism
Works The Potato Eaters, Sunflowers, The Starry Night, Irises, Portrait of Dr. Gachet
Patrons Theo van Gogh

Vincent Willem van Gogh (30 March 185329 July 1890), Netherlands ke ek Post-Impressionist chitrkaar rahaa, jiske kaam ke khaas asar 20th century kalaa pe bhaes rahaa. Uske kalaa ke uske rang aur gambhir asar ke khatir jaana jaawe hae. Uske dimag achchaa nai rahaa aur uu 37 saal ke umar me apne ke banduuk se daag ke maraa.

Jab ki uske jindagi ke time uske bahut log nai jaanat rahin, uske naam uske maut ke baad mashuur bhaes rahaa. Aajkal uske itihaas ke ek sab se achchhaa chitrkaar maana jaawe hae. Van Gogh, uu time talak painting nai suruu karis jab talak ki uu aapan late 20s me rahaa aur uske sab se jaada mashuur painting uske jindagi ke aakhri dui saal me paint karaa gais rahaa.

Uu 2,000 se jaada artwork banais rahaa, jisme 900 painting aur 1,100 drawing aur sketches rahaa. Van Gogh aapan jawani ke din me ek firm of art dealers ke kaam karat rahaa aur jaada time The Hague,London aur Paris ke biich me ghumat rahaa, jiske baad uu England me parrhaes rahaa. Suruu me uu ek padhrrii bane maangat rahaa aur 1879 ke baad uu Belgium ke ek miniing region me gospel preach karat rahaa. Ii time pe uu local community ke log ke sketch kare lagaa aur 1885 me aapan khaas kaam The Potato Eaters ke banais. March 1886 me uu Parisgais aur huan pe French Impressionists ke baare me sikhis. Baad me uu France ke South me gais.

Chapa ke gallery[badlo | source ke badlo]

Dusra websites[badlo | source ke badlo]

[1]