Portal:Fiji Hindi

Wikipedia se

Fiji Hindi

Fiji Hindi (Devanagari: फ़िजि हिन्दी), jiske Fiji Baat, Fiji Hindustani, Fijian Hindi aur Fijian Hindustani ke naam se bhi jaana jjawe hae, ek bhasa hae jisme Fiji ke Hindustani log baat kare hae. Ii bhasa Awadhi aur Bhojpuri me se banaa hae aur dher sabd duusra Hindustani bhasa me se bhi lewa gais hae. Fiji Hindi ke dher sabd Kaiviti aur English bhasa me se bhi lewa gais hae. Dher sabd khaali Fiji me kaam me lawa jaawe hae. Girmitya logan ii bhasa ke Fiji Baat bolat rahin. Ii bhasa thora Pacific Island ke rakam se baat karaa jae hae aur iske India ke log samaghe nai sake hae. Bhasa wale expert log batawe hae ki Fiji Hindi ek aapan dhang ke bhasa hae jisme apan dhang ke sabd hae. (aur...)

Fiji Hindi me ginti

Fiji Hindi me ginti jaada kar ke shudh Hindi (nai to Urdu) ke rakam hae lekin biit gay 125 saal me kuch badal gais hae. Isme English ke bhi asar hae.

Das se kamti ginti gine ke khatir Hindi sabd kaam me lawa jaae hae, lekin bole me thora antar hae. Das se jaada ginti gine ke khatir English sabd kaam me lawa jae hae. Jada umar wale Fiji ke Hindustani, aur jon gaon me rahe hae, 20 talak Hindi me gine sake hae. Fiji Hindi aur sudh Hindi me dui antar hae: Fiji Hindi me number 6 ke chhe bola jae hae lekin shudh Hindi me chhah bola jae hae. Fiji Hindi me 2 ke dui bola jaye hae lekin shudh Hindi me do bola jawe hae.

20 se jaada number bole ke khatir English style kaam me lawa jaye hei. Jaise ki 21 Fiji Hindi me biis aur ek ( बिस और एक) hei aur 37 tiis aur saat ( तिस और सात) hae. Fiji Hindi me sau (100) aur hajaar (1,000) ke bhi kaam me lawa jjawe hae lekin isse barra number ke khatir English ke kaam me lawa jaawe hae; jaise ki million (1,000,000), lakh (100,000) aur karrorr (10,000,000) ke jagha. (Aur dekho ...)

Fiji Hindi me sau sab se jaada kaam me laae jaae waala sabd

aagi aaj aankhi aao achchha admi anda aurat baadal baar
bahut baitho barraa bharaa bihaan biyaa bolo chandarma chalo chamrraa
charbi Chhota chirriya daant dil dekho deo din dhuuan dui
dunia ek garam gatai ghare gola gorr gos haanth haddi
ham hamlog ii jaano jarao jarr jiib kaa kaan kaato
kaise kal kaprraa kareja kariya khaana khaao kharraa ho khuun kon
kutta lal lamba larrka larrki leto maaro machhrri maro muh
muurr naam naak nai nakkhun nawaa paani pahaarr pahurro pakhna
patthar patti pet perr pio puuch raakhi raat rastaa ab
sing suno suraj suto sukha taara thanda tum uu ujjar

Fiji Hindi me English sabd

aapul aspataal baakas bagaas baggi bared bas belfut belo biin
biskut bos bol botal bulu bulut burus chaak daam darjan
diipu dokta English faala faank falawa faraak filam firii firiimaan
garaund geet geng gilaas giraas girmit girmitya gorment gwaan haafa
haama hedmaan hutel injin jaheli jaheli order kaabij kajan brother kajan sister kampani
kendal kantaap kek kichin kotaa kulambar kurbaal lainamaan lef libstik
liis maachis maarit maasta mail motar nilaa painap pusi raait
saakis sat taaim taas taibul tamaatar tanki taul tesan ticha

Fiji Hindi me Kaiviti sabd

baabi karo bakandua bakalolo bakewa bakerraa balambala bukete bele bilimbili bimba karo
bilo bitalia budesa bula bulangi butuaki chikau dakua daala dalo
daniva daruka dina karo dongo gitawa kai kaila maro Kailoma Kaiviti kanade
kanikani karua kasao kasera kavika kawango kawakawa kerekere koro kosa
kuka kumala laali lairo laamu lawena lenga lotu lovo karo matangali
mateni matua meke moto naibi nakai nangaari nangio nanduna nangona
nunga ongo paai rourou saa sanga salala saluuka sambutu sasa
sonisoni sota maro sulu taaki tambua tanoa tabale talanoa karo tambu tiboro
tiritiri ubi uto waka walu yaka yasi      

Fiji Hindi me Urdu sabd

aadat aafat aakhri admii agar ajaad ajab andaaj araam asmaan
baaki bachchaa badmaas badnaam bahana bahadur baimaan bajaar baraabar bekaar
chaara chaddar chakku chalaak chij daag dam dawai dimaag duniya
faeda faesla farka farmais gaddar gaj garaj gawah gazal gulaam
haalat hadd hak hawaa himmat hisaab hissa hos hukum hunar
ijjat insaan jaada jaadu jaan jaat jabar jahaaj jahar jamiin
kaabu kaafi kaagaj kabar kabuttar kaeda kamaal kamar kamjor karjaa
langarr lifaafa maal maalik maane magaj majaa mast matlab murda
naam nafrat najdik nakkal nakkhun nakli naram natija nisaana nuksaan
parda pasand raaji rang rasta roj saal sabak safaa saitaan
                  Aur sabd..

Likhe ke dhang

  • a jaise a bagal me
  • aa jaise aa saal me
  • au jaise au kaum me
  • b jaise b bagal me
  • bh jaise bh bhaajii me
  • ch jaise ch chaar me
  • chh jaise chh chhaapa me
  • d jaise d dar me
  • dh jaise dh dholak me
  • e jaise e ek me
  • ee jaise ee peet me
  • f jaise f fir me
  • g jaise g garam me
  • gh jaise gh ghar me
  • i jaise i bigha me
  • ii jaise ii jiib me
  • j jaise j jeb me
  • jh jaise jh jhinga me
  • k jaise k kaam me
  • kh jaise kh khaana me
  • l jaise l khelo me
  • m jaise m kaam me
  • n jaise n naak me
  • o jaise o khelo me
  • oo jaise oo ooth me
  • p jaise p paani me
  • r jaise r raat me
  • rr jaise rr perr me
  • s jaise s saal me
  • t jaise t tabla me
  • th jaise th tharia me
  • tth jaise tth katthar me
  • u jaise u ulta me
  • uu jaise uu puura me
  • v jaise v Suva me
  • w jaise w wahii me
  • y jaise y yaar me

Fiji Hindi pe book

  • Hindustani Handbook by A. W.. McMillan
  • Fiji Hindi: A basic course and reference grammar by Rodney F. Moag
  • Plantation Languages in Fiji by Jeff Seigel
  • Say it in Fiji Hindi by Jeff Seigel
  • A Hundred Years Of Hindi in Fiji by J. S. Kanwal
  • Fiji Hindi-English, English-Fiji Hindi dictionary by Susan Hobbs
  • Dakua Puran by Subramani
  • Fiji Hindi Bible by The Bible Society in the South Pacific

Fiji Hindi filam

Duusra des me Fiji Hindi

Bagal me uu des ke chhapa me rang bharaa gais hae jisme Fiji Hindi me baat kare waala log rahe hae. Ii chaar khaas des hae Australia, New Zealand, United States aur Canada. 1960s se Fiji ke Hindustani log duusra des me jaae ke rahe lagin. Ii logan jaada kar ke economic migrant rahin. Ii logan ke kamti se kamti pahila aur duusra generation aapan bhasa, Fiji Hindi ke jinda rakkhe rahin. 1987 ke coup ke dher Hindustani log Fiji se duusra des, khaas kar ke Australia aur New Zealand chalaa gain. Abhi duusra des ke kuchh jagha, jaise ki Auckland, Sydney, Vancouver au California, me etna Fiji ke Hindustani log hoe gain hae ki Fiji Hindi bhasa huan pe bhi Fiji ke rakam kaam me lawa jaae lagaa hae. Ii sab jagha me Fiji Hindi radio station, clubs aur dharmik organisation hae. Aur des jisme Fiji Hindi me baat kare waala log hae me England aur Tonga hae. (aur...)