Padma Sachdev
| Padma Sachdev | |
|---|---|
 Sachdev in 2018 | |
| Kaam | Poet, writer |
| Nationality | Indian |
| Citizenship | Indian |
| Notable award(s) | Sahitya Akademi; Padma Shri; Kabir Samman |
| Spouse(s) | Vedpal Deep and later Surinder Singh (1966–2021) |
Padma Sachdev (17 April 1940 – 4 August 2021) ek Hindustani kavitri aur novelist rahin. Uu Dogri bhasha ke pahila modern aurat kavitri rahin. Uu Hindi mein bhi likhat rahin. Uu kai kavita collection publish karin, jisme Meri Kavita Mere Geet (My Poems, My Songs) shamil hai, jon 1971 mein Sahitya Akademi Award jiitis. Unke 2001 mein Padma Shri, India ke fourth highest civilian award, aur 2007-08 saal ke liye Madhya Pradesh Sarkar dwara diya gaya Kabir Samman bhi mila, 2015 saal ke liye Saraswati Samman, 2019 mein Sahitya Akademi Fellowship bhi mila.[1]
Niji Zindagi aur Maut
[badlo | source ke badlo]Sachdev ke janam Baru Brahmin Pariwar mein Purmandal, Jammu mein 17 April 1940 ke hua rahaa. Uu Sanskrit scholar, professor Jai Dev Badu, jon baad mein 1947 mein India ke bantwaare ke dauraan maar diye gais, ke teen bachchan mein sabse badi rahin. Unke pahile Vedpal Deep se shaadi hui, aur baad mein 1966 mein musical duo "Singh Bandhu" ke singer Surinder Singh se shaadi kar lin. Uu aur Surinder Singh pahile New Delhi mein rahat rahe, lekin baad mein Mumbai shift ho gain. Unke 4 August 2021 ke Mumbai mein 81 saal ke umar mein maut ho gais, unke piche pati Surinder Singh aur unke beti Meeta Sachdev chhod gain.
Kaam-dhandha
[badlo | source ke badlo]Sachdev 1961 se All India Radio, Jammu mein announcer ke taur pe kaam karat rahin. Yahin unke Singh Bandhu musical duo ke Hindustani vocalist Surinder Singh se mulakat hui, jon us time duty officer rahe. Aagle saalon mein, uu All India Radio, Mumbai ke saath bhi kaam karin.
Sachdev 1969 mein apne anthology Meri Kavita Mere Geet (transl. my poem my song) ke liye Sahitya Akademi Award jiitin. Kaam ke preface mein likhte hue, Hindi kavi Ramdhari Singh Dinkar ne note kiya "Padma ke kavita padh ke humke laga ki hum apna kalam phek dein - kyunki Padma jon likhe hai uu sacha kavita hai." Unke autobiography Boond Bawadi ek classic maana jaat hai. Unke kitaab In Bin (transl. without them) Indian gharon mein domestic helps dwara nibhai gais under appreciated role ko address karat hai.
Uu 1973 ke Hindi film Ved Rahi dwara "Prem Parbat" ke gaana 'Mera chhota sa ghar baar' ke lyrics likhin, jisme Jaidev ke music rahaa. Uske baad, uu 1978 ke Hindi film "Aankhin Dekhi" ke do gaane ke lyrics likhin, jisme J.P. Kaushik ke music rahaa, jisme famous duet "Sona re, tujhe kaise miloo" bhi shamil hai jon Mohd Rafi aur Sulakshana Pandit dwara gaya gais. Uu 1979 ke Hindi film "Saahas" ke liye Yogesh ke saath lyrics bhi likhin, jisme Ameen Sangeet ke music rahaa.
Unke mashhoor Indian singer, Lata Mangeshkar ko Dogri bhasha ke gaane gane ke liye (notably Tu malla tu, Bhala Sapaiyaa Dogreiya) influence kare ke bhi credit diya jaat hai, jon bahut famous ho gain.