J. S. Kanwal

Wikipedia se
Hian jaao: navigation, khojo

Jogindar Singh Kanwal (1 December 1927 - 17 July 2017), Fiji ke ek master rahaa, jon ki Ba ke Khalsa College ke Principal aur ek Hindi ke writer rahaa.

Jawani ke din[badlo | source ke badlo]

Kanwal ke janam Panjab, India ke Ladhana Jhikka gaon me, 1 July 1927 me bhais rahaa. Uske pitaji, Chanan Singh, aapan parwaar ke Inia me chhorr ke Fiji aae gais rahaa. 1947 me , India ke partition ke time uu, refugee camp me kaam karis rahaa. Uu Aritsar me Bachelor of Arts aur Master of Arts karis. 1955 me uu teacher training ke post graduate course karis aur ak teacher traing college me kaam kare lagaa.

Fiji me masterji[badlo | source ke badlo]

1958 me uu Fiji aais. Uu Suva ke D.A.V. College me parrhae ke suruu karis. 1960 me Ba ke Khalsa College me Principal banaa, jahaan pe uu 28 saal talak rahaa. 1989 me uu Fiji Institute of Technology me Lecturer in English for Business Communication banaa. 1993 se 2003 talak, uu Fiji Indian Cultural Centre ke administrator rahaa.

Ek lekhak[badlo | source ke badlo]

  • Savera (1976) - Ii book Girmit ke baare me hai, aur iske khaatir Kanwal ke Parvasi Bartiya Award milaa rahaa.
  • Dharti Meri Mata - ii book Fiji ke jamiin ke samasya ke baare me hai.
  • Saat Samundar Paar - ii book duusra des me base ke baare me hai
  • Karvat - Ii book 1920 ke harrtaal ke baare me hai aur iske khatir bhi uske Parvasi Bhartiya Award milaa.
  • The Morning - Girmit ke baare me English me likha gais
  • Mrea Desh Mere Log - Fiji ke baare me
  • A Hundred Years of Hindi in Fiji - isme 1879 se le ke 1979 talak Fiji me Hindi ke baare me likha gais hai.
  • Walking - Chale se konchi faaeda hai.

Awards[badlo | source ke badlo]

  • 1981 - Pravasi Bhartiya Parishad Award
  • 1984 - Outstanding citizen award from Ba Town Council
  • 1993 - University of South Pacific honour for "promoting language and literature"
  • 1995 - Member of the Order of Fiji
  • 2001 - Bhartiya Sanskriti Sanvardhan Parishad
  • 2001 - Fiji Hindi Sahitya Samiti Award
  • 2007 - Government of India award - Vishwa Hindi Samman

References[badlo | source ke badlo]